Qos mekeme qonystandy

Hromtaý aýdandyq soty men pro­kýratýrasynyń qyzmetkerleri ja­qynda jarqyn qýanyshka keneldi. Osy eki mekeme eńseli jańa ǵımaratqa or­nalasty. Nátıje­sin­de olar paıdala­nyp kelgen eki birdeı balalar mekemeleri bo­sa­dy. Jańa ǵımaratqa qo­nys­taný saltana­tyna arnaıy kelgen oblys ákimi Eleýsin Saǵyndyqovtyń má­limdeýinshe, qu­qyq qorǵaý organ­dary­nyń mate­rıal­dyq-tehnı­ka­lyq bazasyn jaq­sartý qol­ǵa alyn­ǵan. О́tken jyly Alǵa aýdandyq soty jańa ǵı­ma­ratqa kóshse, bıyl aý­dandyq prokýratýra da saıly da jaıly meken-jaıǵa qol jetkizip otyr eken. Ǵımaratty salýǵa oblystyq bıýd­jetten 151 454,0 myń teńge bó­lingen. Qurylysty «Sanjar» JShS aı­nal­dyrǵan alty aıdyń ishin­de aıaqtapty. Jalpy alańy 1295 sharshy metr ǵı­marat jylý, jeldetý, sý, káriz, elektr júıe­le­rimen qamtamasyz etilgen. Sondaı-aq, baılanys jáne órt són­dirý jelileri ornatylǵan. Ǵımarattyń saltanatty ashylý rásimine qatysqan Joǵarǵy Sot sýdıasy Jolymbet Báıishev pen Bas prokýratýranyń quqyqtyq sta­tıs­tıka jáne arnaıy esepke alý ko­mıtetiniń tóraǵasy Marat Ahmet­ja­novtyń aıtýynsha, mundaı ǵımarat elimizde ázirge neken-saıaq kórinedi. Satybaldy SÁÝIRBAI. Aqtóbe oblysy.