ATYRAÝ. 27 mamyr. Atyraý oblysynyń Jylyoı aýdanynda turatyn kásipker Baǵytjan Dostanov ózi týyp-ósken Shoqpartoǵaı aýylyndaǵy mektepke sport keshenin syıǵa tartty. Bul týraly egemen.kz tilshisi habarlady.
Baǵytjan Dostanov qaıyrymdy isterimen tek Shoqpartoǵaı aýylyna ǵana emes, aýdan men oblystan asyp, el kólemine keńinen tanylǵan Baljigitovter áýletinde ulttyq qundylyqtarmen tárbıelengenin maqtan tutady. Ol qazir ózi basqaratyn qurylys kompanııasyna aýdannyń 200-den astam turǵynyn jumysqa tartypty.
«О́zim de bala kúnimnen sportqa qumar bop óstim. Sol kezde sport keshenin turǵyzsam degen oıǵa bekingen edim. О́tken jyly osy oıymdy iske asyrý úshin mektep janynan sport keshenin salýdy qolǵa aldym. Sport keshenin «Yrys» dep ataýdy uıǵardyq. Aýyl balalary úshin salynǵan sport nysanyn mektepke syıǵa tartý qajet dep sheshtim», – deıdi kásipker Baǵytjan Dostanov.
Kásipker bul keshendi salýǵa 87 mıllıon teńge qarjy jumsapty. Ǵımaratqa qajetti buıymdardy da óz qarjysyna satyp ápergen. Endi sport keshenine bir jyl boıy demeýshilik kórsetip, sý, gaz jáne elektr energııasynyń tólemderin óz esebinen tóleýdi kózdep otyr. Sonymen birge, sporttyń kúres túrinen bir jattyqtyrýshyny jalaqymen qamtýdy da óz mindetine aldy.
Joldasbek Shópeǵul.
Derek: egemen.kz.
Foto: Rahym Qoılybaev.