Qazaqstanda baılanys operatorlary arasynda mobıldi nómirdi kóshirý rásimin jańartý josparlanyp otyr. Qujat abonentterge qolaılylyqty arttyrýǵa jáne jańa operatorǵa aýysý kezinde paıdalanýshynyń baılanyssyz qalý ýaqytyn qysqartýǵa baǵyttalǵan, dep jazady Egemen.kz.
Negizgi jańashyldyqtardyń biri – nómirdi kóshirý týraly suranysqa donor-operatordyń jaýap berýine naqty ýaqyt shegin belgileý. Usynysqa sáıkes, ótinimdi óńdeý ortalyq derekter bazasynda tirkelgen sátten bastap 10 mınýttan aspaýy tıis.
Sonymen qatar nómirdi kóshirýge qosymsha talap engizý usynylady: eger abonenttik nómir alǵash ret iske qosylǵan kúnnen bastap 60 kúntizbelik kún ótpese, operator qyzmet kórsetýden bas tarta alady. Bul shara yqtımal teris paıdalanýdyń aldyn alý jáne baılanys naryǵyn qorǵaý maqsatynda qarastyrylǵan.
Baılanys operatorlaryna qaıtarymsyz úlestik grant beriledi
Túzetýler jobasy «Ashyq NQA» portalynda qoǵamdyq talqylaýǵa shyǵaryldy. Talqylaý aıaqtalyp, ózgerister bekitilgennen keıin jańa erejeler belgilengen tártippen kúshine enýi múmkin.
Qazaqstanda nómirdi bir operatordan ekinshisine aýystyrý erejesi ózgerýi múmkin