Gvardeısk garnızonynda Qorǵanys mınıstriniń tárbıe jáne ıdeologııalyq jumys jónindegi orynbasary general-maıor Asqar Mustabekovtyń jetekshiligimen «Ońtústik» jáne «Shyǵys» óńirlik qolbasshylyqtarynyń áskerı bólimderi komandırleriniń tárbıe jumysy jónindegi orynbasarlarymen oqý-ádistemelik jıyn ótti, dep jazady Egemen.kz.
Is-sharada Qorǵanys mınıstriniń orynbasary tárbıelik jumysty uıymdastyrýǵa qoıylatyn negizgi talaptardy aıqyndap, júıeli tásildi qamtamasyz etý, profılaktıkalyq baǵytty kúsheıtý jáne laýazymdy tulǵalardyń áskerı tártiptiń jaı-kúıi úshin jeke jaýapkershiligin arttyrý qajettigine nazar aýdardy.
Gvardeısk garnızonyndaǵy áskerı bólimde sarbaz soqqyǵa jyǵyldy: Qylmystyq is qozǵaldy
Sabaqtar barysynda áskerı qyzmetshilerge psıhologııalyq qoldaý kórsetý, emosııalyq kúızelistiń aldyn alý jáne daǵdarystyq jaǵdaılardyń profılaktıkasy máselelerine erekshe kóńil bólindi. Problemalyq aspektiler qarastyrylyp, olardy sheshý boıynsha usynystar ázirlendi. Sonymen qatar áskerge shaqyrylǵandarmen, jas áskerı qyzmetshilermen jáne dınamıkalyq baqylaý tobynda turǵandarmen jumystyń erekshelikteri aıqyndaldy.
«Áskerı tártip pen quqyqtyq tártip – jaýyngerlik ázirliktiń negizgi elementteriniń biri. Bul baǵyt Qorǵanys mınıstrligi basshylyǵynyń erekshe baqylaýynda. Árbir komandır men laýazymdy tulǵa ózine senip tapsyrylǵan bólimshelerdegi tártip úshin jeke jaýapty. Quqyq buzýshylyqtyń árbir faktisi boıynsha qoldanystaǵy zańnama aıasynda tıisti sharalar qabyldanady. «Zań jáne tártip» qaǵıdaty barshaǵa ortaq jáne múltiksiz saqtalýǵa tıis», dedi Qorǵanys mınıstriniń orynbasary.
Jıyn aıasynda garnızon bólimsheleri komandırleriniń orynbasarlarymen keńes ótkizilip, profılaktıkalyq jumysty uıymdastyrý jáne quqyq qorǵaý organdarymen ózara is-qımyl máseleleri qaraldy.
Almaty oblysynda áskerı qyzmetshi atys kezinde jaralandy
Qurlyq áskerleriniń oqý ortalyǵynda Qorǵanys mınıstriniń orynbasary áskerı qyzmetshilermen jáne komandalyq qurammen kezdesýler ótkizdi. Kezdesý barysynda áskerı qyzmet ótkerý jaǵdaılary, jaýyngerlik jáne kásibı daıarlyq deńgeıi, sondaı-aq jeke quramdy áleýmettik qoldaý máseleleri talqylandy.
Abaı oblysyndaǵy sarbaz ólimi: Dáriger jazadan bosatyldy
Jumys saparynyń qorytyndysy boıynsha tárbıelik jáne ıdeologııalyq jumystyń basym baǵyttary aıqyndalyp, onyń ishinde profılaktıkalyq jumysty kúsheıtý, tárbıe jumysyn jaýyngerlik daıarlyq júıesine yqpaldastyrý, laýazymdy tulǵalardyń jeke jaýapkershiligin arttyrý, sondaı-aq áskerı qyzmetshilerdi áleýmettik qoldaýdy jetildirý suraqtary erekshe nazarǵa alyndy.