Sınoptıkterdiń málimetinshe, 7-9 sáýir aralyǵynda Qazaqstannyń basym bóliginde aýa raıy turaqsyz bolady. Soltústik pen soltústik-batys óńirlerde jańbyr qarǵa ulasýy múmkin, dep habarlaıdy Egemen.kz.
Elimizdiń batysynda, soltústiginde jáne ońtústiginde keı ýaqyttarda nóser jańbyr jaýady dep boljanǵan. Sonymen qatar respýblıka boıynsha jeldiń kúsheıýi men tuman kútiledi, al batys pen ońtústik aımaqtarda burshaq jaýýy múmkin.
Jaýyn-shashynsyz ashyq aýa raıy tek elimizdiń shyǵysynda ǵana kútiledi.
Aýa temperatýrasyna keletin bolsaq, soltústik jáne soltústik-batys óńirlerde kúndizgi kórsetkish +3...+15 gradýsqa deıin tómendeıdi.
Eske sala keteıik, búgin birqatar óńirde aýa raıyna baılanysty eskertý jarııalandy.