Qazaqstan azamattary Taıaý Shyǵys elderindegi bankterde 1,9 myńnan astam esepshot bar ekenin deklarasııalaǵan. Bul týraly Memlekettik kirister komıteti málimdedi, dep habarlaıdy Egemen.kz.
Vedomstvo málimetinshe, bul derekter 2024 jyldyń qorytyndysy boıynsha 250.00 jáne 270.00 nysandarynda kórsetilgen.
Eń kóp shot Túrkııada tirkelgen – 890. Birikken Arab Ámirlikterinde 874 esepshot ashylǵan. Sonymen qatar Izraılde – 53, Qatarda – 45, Saýd Arabııasynda – 16, Iranda – 12, Omanda – 8, Iordanııada – 6, Kýveıtte – 4, Lıvanda – 2 shot bar. Al Irak, Mysyr jáne Bahreınde bir-birden esepshot tirkelgen.
Taıaý Shyǵystan Qazaqstanǵa: Stýdentterden oqý aýystyrý boıynsha 500-den astam suranys tústi
Jalpy alǵanda, 2024 jyldyń qorytyndysy boıynsha el azamattary shetel bankterindegi 7 082 esepshot týraly esep bergen. Alaıda Memlekettik kirister komıteti bul shottardaǵy jalpy qarjy kólemi týraly aqparatty jarııalaǵan joq.
Vedomstvonyń habarlaýynsha, 2024 jylǵa qatysty kameraldyq baqylaý talap qoıý merzimi aıasynda júrgiziledi. Qazirgi ýaqytta qarjylyq shottar týraly kópjaqty kelisim sheńberinde qosymsha málimetter alý jumystary jalǵasyp jatyr.
Taıaý Shyǵystan azamattardy elge qaıtarý úshin qansha qarajat jumsaldy?