Keshe Vashıngtonda tilshilerge arnalǵan keshte atys bolyp, AQSh prezıdenti Donald Tramp jedel túrde qaýipsiz jerge jetkizildi, dep habarlaıdy Egemen.kz.
Kezdesýge qatysqan vıse-prezıdent Djeı Dı Vens pen Tramp ákimshiliginiń músheleri de zaldan asyǵys shyqqan. CNN málimetinshe, Tramp qazir qaýipsiz jerde. Ákimshilik ókiliniń aıtýynsha, mınıstrler kabınetiniń músheleri de aman-esen.
Atys bolǵan sátte AQSh Qupııa qyzmetiniń agentteri birden oqys oqıǵa týraly daýystap habarlaǵan. Is-shara Vashıngtondaǵy Hilton qonaqúıinde ótken.
Qazir atys shyǵarǵan adam ustaldy. Jýrnalıster onyń jaǵdaıy týraly naqty málimet ázirge joq ekenin habarlady. Aldyn ala derekter boıynsha, ol − Kalıfornııa shtatynyń Torrans qalasynan kelgen 31 jastaǵy Koýl Tomas Allen.
Tramptyń málimdemesinen keıin munaı baǵasy kúrt qymbattady
CNN dereginshe, atys saldarynan Qupııa qyzmettiń bir agenti jaralanǵan. Oq onyń qorǵanys kıimine tıgen, ol jergilikti aýrýhanaǵa jetkizildi.
Joǵary laýazymdy ákimshilik ókiliniń aıtýynsha, Tramp qaýipsiz jerde jáne ol sheneýnikterge keshki asqa qaıta oralýdy josparlap otyrǵanyn aıtqan.
Tramp Truth Social áleýmettik jelisinde atys jasaǵan adamnyń ustalǵanyn jazyp, Qupııa qyzmet pen quqyq qorǵaý organdarynyń jedel ári batyl áreketterin joǵary baǵalady.
«Aldaǵy 2-3 aptada Iranǵa joıqyn soqqy jasaımyz»: Tramp soǵystyń qashan aıaqtalatynyn aıtty
Birneshe mınýttan keıin jarııalanǵan kelesi jazbasynda prezıdent quqyq qorǵaý organdarynyń ótinishimen oqıǵa ornynan ketkenin jáne Aq úıge qaıtyp bara jatqanyn habarlady. Sondaı-aq, ol baspasóz konferensııasyn ótkizýdi josparlap otyrǵanyn aıtty.