Keshendi monıtorıng nátıjeleri boıynsha «Dına» kóterme bazarynda jeke kásipkerlerdiń biri áleýmettik mańyzy bar azyq-túlik taýarlaryn qymbatqa satqany anyqtaldy, dep habarlaıdy Egemen.kz.
Elektrondyq shot-faktýralardy taldaý sábiz, kartop jáne qyryqqabatqa qoıylǵan saýda ústemeleri ruqsat etilgen normalardan birneshe ese asyp ketkenin kórsetti.
Sábiz: Pavlodar oblysyndaǵy sharýa qojalyǵynan 170 tg/kg baǵamen satyp alynǵan ónim 35%-ǵa deıin ústeme baǵamen (230 tg/kg deıin) qaıta satylǵan.
Kartop: aqpan aıynda kólemi 30 tonnadan asatyn partııa Abaı oblysynda 150 tg/kg baǵamen satyp alynǵan. Naýryzda bul kartop О́skemende 250–280 tg/kg baǵamen satylǵan. Naqty ústeme 70%-dan 86%-ǵa deıin jetken.
Azyq-túlik baǵasyn negizsiz ósirgen kásipkerler jaýapqa tartyldy
Qyryqqabat: aýyl sharýashylyǵy óndirýshilerinen 130 tg/kg baǵamen alynǵan ónim 200–220 tg/kg baǵamen satylǵan. Ústeme 53%-dan 69%-ǵa deıin bolǵan.
Atalǵan kókónister keıin qosymsha saýda ústemesimen «úı janyndaǵy» dúkenderde halyqqa satylǵan.
Atalǵan faktiler boıynsha materıaldar óńirlik komıssııanyń otyrysynda qaraldy. Qazirgi ýaqytta jeke kásipkerge qatysty jospardan tys tekserýdi tirkeý úshin materıaldar daıyndalyp jatyr. Buzýshylyqtar rastalǵan jaǵdaıda kásipker ákimshilik jaýapkershilikke tartylyp, sondaı-aq kókónis baǵasyn tómendetý týraly nusqama beriledi.
Atyraýda azyq-túlik baǵasyn negizsiz ósirgen kásipkerler jaýapqa tartyldy
ShQO boıynsha Saýda departamenti zańnamaǵa sáıkes áleýmettik mańyzy bar azyq-túlik taýarlaryna (ÁMAT) qoıylatyn shekti saýda ústemesi 15%-dan aspaýǵa tıis ekenin eske saldy.