Álemdik munaı naryǵyndaǵy ahýaldy talqylaǵan OPEK+ uıymyna múshe 8 el – Saýd Arabııasy, Reseı, Irak, BAÁ, Kýveıt, Qazaqstan, Aljır jáne Oman 5 sáýirde onlaın formatta kezdesý ótkizdi. Kelissózder barysynda qatysýshy memleketter munaı naryǵynyń turaqtylyǵyn saqtaýǵa beıildi ekenin taǵy bir márte rastady, dep jazady Egemen.kz.
Kezdesý qorytyndysynda elder 2023 jylǵy sáýirde jarııalanǵan táýligine 1,65 mln barrel kólemindegi erikti qysqartýlar sheńberinde qosymsha 206 myń barrelge túzetý engizý týraly sheshim qabyldady. Bul ózgeris 2026 jyldyń mamyr aıynan bastap kúshine enedi.
Reseı munaıynyń Qazaqstan arqyly tranzıti 2027 jylǵa deıin jalǵasady
Sonymen qatar, naryqtaǵy jaǵdaıǵa qaraı bul kólem tolyq nemese ishinara kezeń-kezeńimen qaıtarylýy múmkin. Elder munaı óndirisin retteýde ıkemdilik saqtaıtynyn atap ótti.
Qatysýshy memleketter naryqtaǵy ahýaldy turaqty baqylap, qajet bolǵan jaǵdaıda óndiristi arttyrý, ýaqytsha toqtatý nemese qaıta qysqartý sharalaryn qoldanýǵa daıyn ekenin jetkizdi. Onyń ishinde 2023 jylǵy qarashada jarııalanǵan táýligine 2,2 mln barrel qysqartý kólemin qaıta qaraý múmkindigi de saqtalady.
OPEK+ elderi Yntymaqtastyq deklarasııasy aıasyndaǵy mindettemelerdi tolyq oryndaýǵa nıetti ekenin rastady. Sondaı-aq 2024 jyldyń qańtarynan beri belgilengen kólemnen artyq óndirilgen munaıdy tolyq óteý mindeti atap ótildi.
Bul úderis Birlesken mınıstrlik monıtorıng komıtetiniń (JMMC) baqylaýynda bolady.
Qazaqstan nelikten OPEK+ nysanasyna aınaldy
Kezdesýde halyqaralyq teńiz baǵyttarynyń qaýipsizdigin qamtamasyz etý erekshe mańyzdy ekeni aıtyldy. Sebebi bul energııa tasymalynyń úzdiksizdigin saqtaýdyń negizgi sharty bolyp sanalady.
Sonymen qatar, qatysýshy elder energetıkalyq ınfraqurylymǵa jasalǵan shabýyldarǵa alańdaýshylyq bildirdi. Mundaı nysandardy qalpyna keltirýdiń qymbat ári uzaq ýaqytty talap etetini, bul óz kezeginde jalpy usynys kólemine keri áser etetini atap ótildi.
«Infraqurylymǵa qaýip tóndiretin nemese teńiz joldaryn buǵattaıtyn kez kelgen áreket naryqtaǵy turaqsyzdyqty kúsheıtip, jahandyq ekonomıkanyń múddesine qaıshy keledi», delingen málimdemede.
OPEK+ elderi naryqtaǵy jaǵdaıdy, kelisimderdiń oryndalýyn jáne ótemaqy tetikterin aı saıyn talqylap otyrýǵa ýaǵdalasty. Kelesi kezdesý 2026 jylǵy 3 mamyrǵa josparlanǵan.
Barreline 120 dollar: Munaı baǵasy sońǵy 4 jyldaǵy rekordty jańartty