2025 jyly Qazaqstandaǵy aýyldyq eldi mekender sany 83-ke qysqaryp, 6,1 myń birlikti qurady, dep jazady Egemen.kz.
DataHub telegram arnasynyń málimetinshe, aýyl sanynyń azaıý úrdisi keminde 25 jyldan beri jalǵasyp keledi. Sońǵy úsh jylda teris dınamıka aıtarlyqtaı údeı túsken. Eger 2020-2022 jyldary 46 eldi meken qysqarsa, 2023-2025 jyldary bul kórsetkish 199-ǵa jetken. Jalpy, baqylaý júrgizilgen kezeń ishinde aýyldar sany 1,8 myńǵa azaıǵan.
2025 jylǵy qysqarýǵa negizinen bir-birimen shektesetin úsh soltústik óńir – Soltústik Qazaqstan, Aqmola jáne Pavlodar oblystary áser etti. Olar jalpy tómendeýdiń 80%-yn qamtamasyz etken.
adilet.zan.kz saıtynda jarııalanǵan qujattarǵa sáıkes, atalǵan óńirlerde esepti kezeńde 68 aýyl taratylyp, bir jańa aýyl – Nurly (Aqmola oblysy Selınograd aýdany, Astanamen shektesedi) paıda boldy. Bul kórsetkishter resmı statıstıkanyń egjeı-tegjeıli derekterimen sáıkes keledi.
2021 jylǵy halyq sanaǵy taratylǵan 68 aýylda barlyǵy 1,5 myń adam turǵanyn kórsetken. Bul 2009 jylǵy sanaqpen salystyrǵanda 4,4 ese az. Eń kóp turǵyny bar aýyl – Aqmola oblysyndaǵy Krasnoselskoe aýyly (74 adam). 68 aýyldyń 62-sinde halyq sany 50 adamnan aspaǵan. Pavlodar oblysyndaǵy Malaıa Paramonovka aýylynda turǵyndar múlde tirkelmegen. Al Soltústik Qazaqstan oblysyndaǵy Mırnoe jáne Kalınovka aýyldarynda tıisinshe bir jáne eki adam ǵana turǵan.
Aýyldardyń taratylýyna negizgi sebep – halyq sanynyń azdyǵy. Zańǵa sáıkes, úsh jyl boıy halqy 50 adamǵa jetpegen eldi mekender taratylýǵa jatady. Taratý degenimiz – eldi mekendi eseptik derekterden shyǵaryp, ony jaqyn mańdaǵy iri eldi mekenniń quramyna qosý. Sońǵy sheshimdi jergilikti bılik turǵyndardyń ashyq jınalysta bildirgen pikirin eskere otyryp qabyldaýy tıis.
Osylaısha, ondaǵan aýyldyń taratylýy elde zań talaptaryna sáıkes jabylýǵa jatatyn, turǵyndary is júzinde qalmaǵan eldi mekenderdiń áli de az emestigin kórsetedi.
Jalpy aýyl halqy sanynyń qysqarýy – negizinen kóshi-qon áserinen – tek Soltústik Qazaqstan, Aqmola jáne Pavlodar oblystaryna ǵana emes, eldiń kópshilik óńirlerine tán úrdis.
Eldegi alǵashqy agrotehnopark aýyl sharýashylyǵyna qandaı paıda ákeledi?
2025 jyldyń qorytyndysy boıynsha aýyl halqynyń ósimi tek Almaty, Atyraý jáne Mańǵystaý oblystarynda tirkelgen.
Sharýashylyq irilenbeı, aýyl kórkeımeıdi