Basty problemamyz aýyz sý edi

Sý – tirshilik nári. Sýsyz ómir joq. Ásirese aýyz sý tapshylyǵy oryn alǵan kezde ómir súrý tipten kúr­de­lene túsedi. Sońǵy jyldary bizdiń Bolashaq aýylynyń turǵyn­da­ry dál osyndaı aýyr haldi bastarynan keshirip keledi. О́ziniń bıylǵy Joldaýynda Elbasy osy kó­keı­kesti máse­le­ni kótergen kezde, alǵashyn­da abdyrap, artynan qatty qýandyq. Sebebi Prezıdent bizdiń aýyl­da bolmasa da, mun­daǵy tur­ǵyn­dardyń aýyz sýdan úlken qıyndyq kórip otyrǵa­nyn kórmese de – sony aldyn ala bilip, boljap otyr­ǵandaı áser qaldyrdy bizge. Bul Memleket basshysyna asa qajet qasıettiń biri dep esepteımiz. Iá, Nursultan Ábishuly atap kórsetkendeı, respýblıka kóleminde tasymal­dana­tyn aýyz sý kólemi tórt esege deıin kemigeni óte súı­i­nish­ti jáıt. Endigi jerde bul kórsetkishte meje shegi bola almaıtynyn Joldaýdan aı­qyn sezindik. Elbasy budan segiz jyl bu­ryn respýblıkada qabyldan­ǵan aýyz sý sapasyn jaqsartý jónindegi baǵdarlama birqatar oń ná­tıjelerge jetkizgenin aıta kele, osy isti aıaǵyna deıin alyp barý jóninde atqarý­shy organdar aldyna naqty mindetter koıdy. Bul keshe teledıdardan ózimiz kórip tyńdaǵandaı – aýyz sýmen qamtý júıelerin túbegeıli jańǵyrtý, jer as­ty sý qorlary kartasyn jasap, ony túbegeıli zertteý men izdestirý bolmaq. Tutas memleket aýqymynda qolǵa alyna­tyn osyndaı irgeli ister men izdenisterdiń nátı­je­sinde 2020 jylǵa deıin qala tur­ǵyndaryn taza, sapa­ly aýyz sýmen qamtý 100 paıyzǵa jetkizilmek. Osy merzim araly­ǵynda taza aýyz sýdy tuty­natyn aýyl tur­ǵyndarynyń úlesi 80 paıyzdy quramaq. Bul árıne ulan-ǵaıyr úlken jetistik bol­maq. Sondaı-aq res­pýblı­ka­da­ǵy sý sharýashyly­ǵymen aı­nalysatyn múddeli vedomstvolar men quzyrly meke­me­lerdiń barlyq is-qımyl­dary men múmkindikteri osy maqsatqa jumyldy­ry­latyn bolǵany da – aýyz sý tap­shy­lyǵyn tartýdaı-aq tar­typ júrgen Bolashaq aýyly­nyń turǵyndaryna úlken senim uıalatady. Bizder qazirgi jaǵdaıda aýyz sýdy 35 shaqyrym qa­shyq­tyqtaǵy Qaıyńdy aýy­ly­nan tasymaldap iship otyr­myz. Osyǵan qatty kúıi­netin edik, qınalatyn da edik. Osy múshkil jáı-kúıi­miz ben jan­aı­qaıy­myzdy óziniń bıylǵy Jol­daýynda Elbasy dóp bas­qandaı bol­ǵa­ny – Nursultan Ábish­ul­y­­nyń kóregendigi, qa­rapaıym turǵyndardyń muń-muqtaj­dary­na árdaıym sergek kóńil­men qaraı biletin kisilik kel­betiniń kórinisi dep bilemiz. Mútıǵolla HALELOV, Bolashaq aýylynyń turǵyny. Batys Qazaqstan oblysy, Kaztalov aýdany.