ASTANA. 31 mamyr. Brıtanııa BAQ-tarynyń jazýynsha, Reseıde aıýdy balasha asyrap otyrǵan otbasy bar eken. Bul týraly Daily Mail gazetiniń aqparyna silteme jasaǵan egemen.kz tilshisi habarlady.
Salmaǵy 140 kılo keletin Stepan esimdi 23 jastaǵy aıýdy erli-zaıypty Svetlana jáne Iýrıı Panteleenko úsh aılyǵynan beri asyrap keledi.
Stepannyń qazir osy semıanyń bir múshesi sııaqty bolyp ketkeni sonshalyq, ol kúnde keshke erli-zaıypty ekeýdiń janynda otyryp, olarmen birge dıvanda televızor qaraıdy.
Basylymnyń habarlaýynsha, bir qyzyǵy, aıý kúndiz esiktiń aldyndaǵy baqshada jumys jasaıdy. Ol kóbine-kóp ósimdikterdi sýarýmen aınalysady.
Táttini jaqsy kóretin aıý qalbyrdaǵy uıytylǵan tátti qoımaljyńǵa qumar. Sondaı-aq túski asqa 25 kg balyq, kókónis pen jumyrtqa jep turady. Panteleevterdiń aıtýlaryna qaraǵanda, olardyń «balapandary» fýtboldyń naǵyz fanaty kórinedi. Ol televızordan fýtbol kórgendi qatty unatady. Osy kezge deıin aıý olardy bir ret te tistep kórmepti. Munyń ornyna ol bulardy qushaqtaǵandy jaqsy kóredi.
Talǵat Raıymbek.
Derek, foto: Daily Mail.