Keshe Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev pen Islam Konferensııasy Uıymynyń Bas hatshysy Ekmeleddın Ihsanoglý telefon arqyly sóılesti, dep habarlady QR SIM-iniń baspasóz qyzmeti.
Halyqaralyq mártebeli uıymnyń Bas hatshysy Qazaqstan halqy men Elbasy Nursultan Nazarbaevty Qazaqstannyń Eýropadaǵy qaýipsizdik jáne yntymaqtastyq uıymyndaǵy tóraǵalyǵymen jáne Astana Sammıtiniń tabysty ótkizilýimen quttyqtady. Sonymen qatar, Bas hatshy Qazaqstannyń aldaǵy IKU-ǵa tóraǵalyǵyna úlken úmit artatynyn málimdedi.
Osy rette taraptar IKU qyzmetiniń ózekti máselelerin talqylady. Ústimizdegi jyldyń naýryz aıyna josparlanyp otyrǵan mańyzdy máseleler qatarynda Sharm ál-Sheıhte ótetin Islam Konferensııasy Uıymynyń Sammıti men Egıpet Arab Respýblıkasynda oryn alyp jatqan oqıǵalar sóz etildi.
Áriptester uıym aıasynda jáne halyqaralyq máseleler boıynsha naqty jáne tyǵyz baılanystardy odan ári qaraı jalǵastyrýǵa ýaǵdalasty.