PETROPAVL. 31 mamyr. Soltústik Qazaqstan oblysynyń egistik alqabynan jergilikti turǵyndar granata taýyp aldy. Bul týraly oblystyq ishki ister departamenti baspasóz qyzmetiniń deregine súıengen egemen.kz tilshisi habarlady.
Oblystyq Qyzyljar aýdanyndaǵy Iаkor aýylynyń egistik tanabynan tabylǵan jarylǵysh zattyń Azamat soǵysy jyldarynan qalǵan bolýy da múmkin.
Baspasóz qyzmeti habarlaǵandaı, Qyzyljar aýdandyq ishki ister bóliminiń kezekshi bólimine Iаkor aýylynan qońyraý shalynyp, onda kóktemgi egis naýqany júrip jatqan kezde egistik alqaptan turqy granataǵa uqsaıtyn zattyń tabylǵany baıandalǵan. Oqıǵa ornyna tez jetken polıseıler aýyldastar qoldarynan aıtylǵan sýyq qarýdy alyp qarady. Tártip saqshylary qaraý barysynda aıryqsha kúshti korrozııaǵa ushyraǵan granatanyń saqtandyrý shegi joq ekenin jáne markalyq belgileriniń óship qalǵanyn anyqtady.
Qaýipti zat ýaqytsha saqtaý úshin jarylǵysh zattar qoımasyna qoıylǵan. Osydan keıin ol dalaǵa shyǵarylyp, saperlerdiń jaryp jiberýine ulasady.
О́mir Esqalı.
Derek: Soltústik Qazaqstan oblystyq ishki ister departamentiniń baspasóz qyzmetkerleri.