Egıpettegi jaǵdaı haqynda

Sońǵy kúnderi Egıpet Arab Respýblıkasynda qalyptasqan jaǵdaıǵa baılanysty QR SIM atal­mysh eldegi qazaqstandyqtardyń qaýipsiz­di­gin qamtamasyz etý maqsatynda barlyq tıisti sharalardy qabyl­daý­da. Máselen, bizdiń azamat­ta­rymyzdy Egıpetten shy­ǵarý týraly sheshim qa­byldanyp, qazir taıaý táýlik­terde Kaırge jáne odan keri qaraı TJM-niń arnaıy ushaǵynyń jiberilýi jónindegi jumystar júrgizilýde. QR-nyń Egıpettegi elshiligi osy elden ketýge nıetti azamat­tardyń Qazaqstanǵa oralýyn qamtamasyz etý jó­nin­degi ótinish­te­rin qabyldaýda. Ol úshin QR kon­sýly Erbol Elý­baevpen tómen­degi telefon nó­mi­ri arqyly baı­lanysý qajet: (8-10-20) 126-789-300. Sonymen birge, Kaır áýejaıymen qatar, Egıpet­tiń qalǵan barlyq halyqaralyq áýejaılary tu­raq­ty reısterdi qabyldap jáne ushyryp jatqandyǵyn habar­laımyz. Son­dyqtan da, biz Egıpettiń aý­dan­darynda qalyp otyrǵan qazaq­stan­dyqtarǵa elden óz betterinshe ketýge usynys bildiremiz. Atalǵan eldegi bizdiń otandastarymyzdyń sa­nyna kelsek, QR-nyń Egıpettegi elshiliginiń kon­sýl­dyq esebinde Qa­zaq­stan­nyń 185 azamaty tur. Olar­dyń ishinde biz­diń dıp­lomattardyń kómegimen shuǵyl túrde Ota­nyna ora­lý­ǵa 156 adam tilek bildirdi. Qazaq­stan­dyq­tardyń bir bóligi el­shilikti eskertpeı-aq elge óz betterinshe kelip jáne ketip jatqandyǵyn atap ótý qajet. Joǵaryda atalǵan jaǵdaıǵa baılanysty QR SIM Qazaqstan azamattaryna bul elge ýaqytsha barmaı tura turýǵa keńes beredi, dep habarlady QR SIM-iniń baspasóz qyzmeti.