Tórtinshi halyqaralyq «KADEX-2016» qarý-jaraq pen áskerı-tehnıkalyq múlik kórmesine sanaýly kúnder qaldy. Bul kórmede qazaqstandyq qorǵanys óndirýshileri ózderiniń tyń jańalyqtaryn kórsetedi.
«ARMYTEX» qazaqstandyq kompanııasy MıG-29, MıG-31, Sý-25 jáne Sý-27, Sý-29 mańdaısheptik avıasııanyń ushaqtaryna arnalǵan parashıýttik-tejegish júıelerin usynady. Parashıýttik-tejeýish júıesi kóliktik quraldardy tejeý jáne dóńgelekterdiń tejegish júıesin júkten bosatýǵa arnalǵan. Jasandy tómendetý arqyly tejeý kezinde júristiń qashyqtyǵyn azaıtady.
Kásiporynnyń óndiristik qýaty jylyna 300-ge deıin parashıýttik-tejegish júıelerin shyǵarýǵa jetedi. Osylaısha, Qazaqstan Qorǵanys mınıstrliginiń muqtajdyǵyn tolyǵymen óteıdi jáne atalmysh buıymdardyń eksporttyq áleýeti qurylady.
Kompanııa atalǵan ónimdi Qazaqstan Qarýly Kúshteriniń muqtajdyǵy úshin shyǵaratynyn jáne halyqaralyq deńgeıge shyǵýdy josparlap otyrǵanyn aıta ketken jón. Al aldaǵy «KADEX-2016» kórmesi otandyq kásiporyndardyń múmkindikteri men damý perspektıvasyn keńeıtedi.
Odan basqa, kórme elimizge iri sheteldik ázirleýshiler men áskerı jáne arnaıy maqsattaǵy ónim óndirýshilerin tartýǵa septigin tıgizedi. Sońǵy derekterge sáıkes bıylǵy jyly 43 eldiń qorǵanys kompanııalary ózderiniń jetistikterin kórmede pash etedi.
«Egemen-aqparat»