Túsinistik tamyry tereńde

Keshe Aqordada Memlekettik hatshy Gúlshara Ábdiqalyqova Birikken Arab Ámirlikteri Federaldyq ulttyq keńesiniń tóraıymy Ámál ál-Kýbeısımen kezdesti. Onda taraptar yntymaqtastyqtyń túrli salasynda tabysty iske asyrylyp jatqan birlesken jobalardy talqylady. Olardyń qatarynda Astana qala­syndaǵy «Abý Dabı Plaza» kóp­fýnksııaly kesheniniń qurylysy, TMD jáne Qazaqstan aýmaǵynda alǵash qyzmetin bas­taǵan «Ál-Hılal» ıslam banki, sondaı-aq, «Falah» birlesken ınvestısııalyq qory bar. «Sizdiń bul saparyńyz bizdiń elderimizdiń yntymaqtastyǵy joǵary deńgeıde ekenin taǵy bir dáleldedi. Nursultan Nazarbaev pen sheıh Halıfa ben Zaıd Ál Nahaıan arasyndaǵy tyǵyz dostyq qarym-qatynastar Qazaqstan men Ámirlikter baılanysynyń berik negizin qalady. Qazaqstan úshin Birikken Arab Ámirlikteri – arab álemindegi jáne shyǵanaqtaǵy mańyzdy seriktes», – dedi G.Ábdiqalyqova. Sondaı-aq, ol shtab-páteri Astanada ornalasatyn Azyq-túlik qaýipsizdigi jónindegi ıslam uıymyn qurý týraly bizdiń bastamamyzdy BAÁ-niń qoldaǵany úshin alǵys bildirdi. Kezdesý barysynda Memle­ket­tik hatshy Qazaqstan Prezıdenti Nursultan Nazarbaevtyń Iаdro­lyq qaýipsizdik jónindegi Va­shıngton sammıti barysynda «Álem. XXI ǵasyr» manıfesin jarııalap, halyqaralyq qoǵam­­das­tyqtyń kúsh-jigerin ju­myl­­dyrýǵa jáne álemdi soǵys qaýpi­nen aryltýǵa shaqyrǵanyn atap ótti. Budan basqa, manıfestiń BUU Bas Assambleıasy men Qaýip­sizdik Keńesiniń resmı qujaty mártebesine ıe bolǵanyn aıtyp, Abý Dabıdi ondaǵy bas­tamalardy iske asyrýǵa shaqyrdy. Sonymen qatar, G.Ábdi­qa­lyqova Memleket basshysynyń 2017 jyly Astana qalasynda Islam Yntymaqtastyǵy Uıy­mynyń ǵylym jáne tehnologııa jónindegi sammıtin ótkizý týraly bastamasyna Abý Dabıdiń qoldaý kórsetetinine úmit artatynyn aıtty. Odan bólek, Ámirlikter tarapyn Astana qalasynda ótetin EKSPO-2017 halyqaralyq mamandandyrylǵan kórmesine qatysýǵa shaqyrdy. Kezdesý sońynda Memlekettik hatshy BAÁ Federaldyq ulttyq keńesiniń tóraıymy Ámál ál-Kýbeısıdi al­daǵy barsha musylman úshin qa­sıetti Ramazan aıymen quttyq­tap, oǵan Qazaqstan Res­pýblıkasy men Birikken Arab Ámir­likteri arasyndaǵy únqatysýdy nyǵaı­týǵa qosqan úlesi úshin rıza­shylyq bildirdi. О́z kezeginde, BAQ ókilderine bergen suhbatynda ál-Kýbeısı Qazaqstanǵa Parlament Sena­ty­nyń shaqyrýymen kelgenin aıtyp, sapar aıasynda «Din terrorızmge qarsy» atty halyq­aralyq konferensııaǵa qatysa­tyn­daryn jetkizdi. «Biz Qazaqstandy Jer betin­degi dinaralyq kelisimniń ny­ǵaıýyna qosqan úlesi úshin erekshe qurmetteımiz. Sondaı-aq, toleranttylyqty nasıhattaý jo­lyndaǵy is-áreketterińizdi árdaıym qoldaıtynymyzdy jetkizgim keledi. Munyń barlyǵy Qazaqstan Prezıdenti Nursultan Nazarbaevtyń salıqaly saıasa­tynyń arqasynda júzege asyp jatqany sózsiz. Osy rette, BAÁ-niń basshysy sheıh Halıfa ben Zaıd Ál Nahaıannyń da dinaralyq únqatysýdyń damýyna erekshe mán berip otyrǵanyn atap ót­ken jón. Bizdiń óńirdegi qazir­gi ahýalǵa baılanysty bul máse­leniń qanshalyqty mańyzdy ekeni túsinikti», – dedi BAÁ Fede­ral­dyq ulttyq keńesiniń tóraıymy. Ál-Kýbeısıdiń aıtýynsha, qazirgi tańda eki memlekettiń dıp­lo­matııalyq baılanysy stra­tegııalyq deńgeıge kóterilgen. Onyń sózine qaraǵanda, ótken jyly Qazaqstan men BAÁ ara­syndaǵy taýar aınalymy 150 mln. AQSh dollaryn qurap, Par­sy shyǵanaǵy elderi ishindegi eń joǵary kórsetkishke jetken. Sóz sońynda quny 1,2 mlrd. AQSh dollary bolatyn «Abý Dabı Plaza» kópfýnksııaly keshe­ni eki eldiń birlesken ınves­tı­sııalyq jobasy aıasynda júzege asyp jatqanyn aıtqan Ámál ál-Ký­beısı aldaǵy ýaqytta da Qazaq­stan men Ámirlikter arasyndaǵy qarym-qatynas joǵary qarqynda júrgizile beretinine senim bildirdi. Elaman QOŃYR, «Egemen Qazaqstan»