Joba nátıjeleri oń baǵalandy

Astanada Qazaqstan Respýb­lıka­syndaǵy Adam quqyqtary jó­nindegi ýákil Asqar Shákirov adam quqyqtaryn qorǵaý sala­syndaǵy BUU sarapshysy, «Azap­taýlarǵa qarsy kúres: Qazaq­standa ulttyq aldyn alý tetigin qurý» jobasynyń iske asyry­lýyn baǵalaý úshin kelgen Uly­brıtanııa Syrtqy ister mı­nıs­trliginiń ókili Emılı Sammerspen kezdesti. Kezdesý barysynda taraptar Azaptaýlarǵa jáne basqa da qa­tygez, adamgershilikke jatpaı­tyn jáne ar-namysty qorlaıtyn is-áreketter men jazalaý túrlerine qarsy BUU Konvensııasyna bizdiń elimiz ratıfıkasııalaǵan Fakýltatıvtik hattama aıasynda «Ha­lyq­aralyq túrme reformasy» (PRI) uıymynyń qazaqstandyq ombýdsmen ofısimen birlesip júzege asyrǵan jobasynyń nátı­jelerin oń baǵalady. Sondaı-aq, Azaptaýlarǵa qarsy ulttyq aldyn alý tetigin Qazaq­standa qurý máselesi boıynsha pikirtalas ótti, qazirgi ýaqytta onyń tujyrymdamasyn Qazaq­stan Respýblıkasynyń Úkimeti ázir­leýde, dep habarlady Adam qu­qyqtary jónindegi ýákil appa­ra­tynyń baspasóz qyzmeti.