Parlament Senatynyń Tóraǵasy Qasym-Jomart Toqaev QHR Halyq ókilderi Búkilqytaı jınalysy Ishki ister jáne ádilet jónindegi komıtet tóraǵasynyń orynbasary Chjao Chjenıýnmen kezdesti, dep habarlady Senattyń baspasóz qyzmeti.
Senat basshysy «Dinder terrorızmge qarsy» konferensııasyna qatysqany úshin júzdesýshige rızashylyǵyn bildirdi jáne bul shara terrorızm qaterine birlese áreket etý joldaryn ashyq talqylaý úshin ortaq alań usynǵanyn atap ótti.
Taraptar, sondaı-aq, ekijaqty yntymaqtastyq, onyń ishinde parlamentaralyq baılanystar máselelerin talqylady. Júzdesýshiler Qazaqstan Prezıdenti Nursultan Nazarbaev jarııa etken «Nurly jol» Jańa ekonomıkalyq saıasaty men QHR Tóraǵasy Sı Szınpınniń «Bir beldeý, bir jol» tujyrymdamasy uzaq merzimdi ózara is-qımyl kelesheginiń jalpy kórinisi mazmundalǵany týraly ortaq pikirge keldi.
Astanadaǵy forým aıasynda Senat Tóraǵasy GFR Býndestagynyń depýtaty Aksel Fıshermen, Mysyrdyń Ýaqyptar isteri jónindegi mınıstri Muhtar Jumamen jáne Halyqaralyq beıbitshilik ınstıtýtynyń prezıdenti Tere Rod-Larsenmen de kezdesti. Júzdesýshiler halyqaralyq kún tártibindegi máseleler boıynsha pikir almasty. Konferensııaǵa qatysýshylar terrorızm jáne ekstremızmmen kúrestegi jahandyq kúsh-jigerge syndarly ıdeıalary men óz úlesterin qosýǵa ázirligin bildirgen parlamentshiler men álemniń dinı qaıratkerleriniń bir alańǵa jınalǵan osy forým taqyrybynyń mańyzdylyǵyn atap ótti.