Elordadaǵy Tuńǵysh Prezıdent mýzeıinde Halyqaralyq balalardy qorǵaý kúnine arnalǵan «Shyǵarmashylyq sheksizdigi» kórmesi ashyldy. Sonymen qatar, sheberlik-saǵattary jáne «VI Juldyzaı» qorynyń múmkindikteri shekteýli balalar shyǵarmashylyǵynyń HI respýblıkalyq festıvaliniń «Beıneleý óneri» jáne «Sándik qoldanbaly óner» atalymdary boıynsha jeńimpazdardy marapattaý rásimi ótti.
Merekelik baǵdarlama mýzeıdiń «Balalyq shaqtan kózqaras» jobasynyń aıasynda «VI Juldyzaı» qaıyrymdylyq korporatıvtik qory, Balalar kórkemóner mektebi – IýNESKO klýby jáne Qazaqstannyń Ulttyq olımpıada komıtetimen birlesip uıymdastyrǵan bolatyn. Kórmeniń ashylý saltanatynda atalǵan mýzeı dırektory Alma Saǵynǵalı, «BI Juldyzaı» korporatıvtik qory dırektorynyń orynbasary Altynaı Táńirbergenova, Balalar kórkemsýret mektebi – IýNESKO klýbynyń dırektory Gúlzııa Isenova, Qazaqstannyń Ulttyq olımpıada komıtetiniń ókili Jiger Ázbergenov sóz sóılep, ıgi sharanyń maqsat-múddesine az-kem toqtalyp, búldirshinderge sátti qadam tiledi.
«VI Juldyzaı» qorynyń balalar shyǵarmashylyǵynyń respýblıkalyq festıvali Qazaqstannyń barlyq aımaǵynan jınalǵan balalardyń basyn qosty. 11 jyl ishinde festıvalge 35 583 bala qatysqan eken. Festıval túlekteri Bala Tukvisyon konkýrsyna, Belaıa Trost festıvaline, MÝZ-TV 2015 premııasyna qatysýǵa jáne Qazaq ulttyq óner ýnıversıtetiniń stýdenti ataný múmkindigine ıe boldy.
Festıval Bilim jáne ǵylym mınıstrliginiń jáne oblystyq, qalalyq mádenıet basqarmalarynyń qoldaýymen jyl saıyn ótkizilip keledi. Respýblıkalyq festıvaldiń alǵashqy irikteý kezeńi sáýirdiń 5-si men 20-sy aralyǵynda elimizdiń 16 qalasynda ótkizildi. Qazylar alqasy qatysýshylardyń talanttaryn 6 nomınasııa boıynsha baǵalady: «horeografııa», «vokaldyq oryndaý», «aspapty oryndaý», «óleńdi ymdap oryndaý», «sándik-qoldanbaly óner», «beıneleý óneri».
Balalar shyǵarmashylyǵyna arnalǵan respýblıkalyq konkýrs dástúrli túrde 1 maýsym – Halyqaralyq balalardy qorǵaý kúninde «Qazaqstan» Ortalyq konsert zalynda jalǵasqan gala-konsertpen aıaqtaldy.
Raýshan SÚLEIMENOVA