ASTANA. 2 maýsym. Shveısarııada álemdegi eń uzyn temir jol týnneli paıdalanýǵa berildi. Bul týraly 24.kz-ke silteme jasaǵan egemen.kz tilshisi habarlady.
Temir jol Alpi taýyndaǵy Sen-Gotard asýynyń astynan salynǵan. Jerasty jolynyń uzyndyǵy 57 shaqyrymdy quraıdy. Málimetter boıynsha, týnneldiń qurylysy 20 jyl buryn bastalǵan eken. Osyǵan sáıkes, 12 mıllıard dollar kóleminde qarjy jumsalǵan.
Jolaýshylar poıyzy bul jerde saǵatyna 250 shaqyrym, al júk poıyzdary 160 shaqyrym jyldamdyqpen júrip óte alady. Shveısarııa bıligi onyń iske qosylýy Eýropadaǵy taýar tasymalynyń edáýir jeńildeýine ári el turǵyndarynyń qalaaralyq joldarǵa ketetin ýaqyty da qysqaratynyn málimdedi.
Aıta keteıik, osyǵan deıin álemdegi eń uzyn temir jol týnneli Japonııada bolatyn. Kúnshyǵys elindegi jerasty jolynyń uzyndyǵy – 53 shaqyrym.
Aıan Ábdýálı.
Derek, foto: 24.kz.