Birlik pen berekeniń biregeı tetigi

Keshe «Nur Otan» partııasy men  Qazaqstan halqy Assambleıasy  Birlesken is-sharalar josparyn bekitti Atalǵan qujatqa «Nur Otan» partııasynyń Ortalyq apparatynda ótken keńeıtilgen otyrysta partııa Tóraǵasynyń birinshi orynbasary Muhtar Qul-Muhammed pen Qazaqstan halqy Assambleıasy Tóraǵasynyń orynbasary – QHA Hatshylyǵynyń meńgerýshisi Eraly Toǵjanov qol qoıdy. Beınekonferensııa pishiminde ótken jıynǵa Májilis depýtattary men Qazaqstannyń bar­lyq óńirindegi «Nur Otan» partııasy men QHA fılıaldarynyń músheleri qatysty. Otyrysty ashqan M.Qul-Muhammed El­basynyń osy jyldyń 24 naýryzynda ótken partııa Saıası bıýrosynyń otyrysynda «Nur Otanǵa» QHA-men birlesip jumys isteý jóninde arnaıy tapsyrma bergenin atap ótti. Basqosýdyń osy tapsyrmany oryndaý maqsatynda ótkizilip otyrǵanyna nazar aýdarǵan ol: «Táýelsizdik jyldaryndaǵy jetistikterimizdiń basym bóligine elimizdegi tynyshtyqtyń, saıası turaqtylyqtyń, ultaralyq kelisimniń jáne halyqtyń bereke-birliginiń arqasynda qol jetkizdik. Elbasymyz Qazaqstan halqy Assambleıasy atty dúnıejúziniń birde-bir elinde kezdespeıtin biregeı ınstıtýt qu­rýdyń jáne ony júzege asyrýdyń negizgi bastamashysy boldy. Sondaı-aq, «Nur Otan» partııasy da eń alǵash qurylǵan kúninen bas­tap Prezıdentimizdiń sara saıasatyn qoldap keledi. Iаǵnı, Elbasyn 1999 jyly halyqtyq saılaýda qoldaǵan respýblıkalyq shtab keıin «Otan» partııasy bolyp qurylǵan edi. Osy eki saıası qurylym Memleket basshysynyń halyqtyń bereke-birligin saqtaý jónindegi basty tiregi bolyp esepteledi. Sol sebepti, «Nur Otan» partııasy men Qazaqstan halqy Assambleıasy Elbasy saıasatynyń basty baǵyty – elimizdegi saıası turaqtylyqty, qoǵamdyq jáne ultaralyq kelisim men bereke-birlikti qamtamasyz etý jolynda birlesip jumys atqarý kerek. Sebebi, dál osy qasıetter elimizdiń barlyq jetistiginiń negizi bolyp sanalady. Atalǵan tapsyrmalardy oryndaý úshin búgin Parlament Májilisindegi Assambleıa atynan saılanǵan depýtattyq top músheleri, partııa basshylyǵy jáne óńirlerdegi partııa men Assambleıa fılıaldarynyń basshylary bas qosyp otyr. О́zderińizge belgili, «100 naqty qadam» Ult Josparynyń IV baǵyty Qazaqstan halqynyń bereke-birligine arnalǵan. Sonyń negizinde biz búgin atalǵan salaǵa qatysty máselelerdi birlese qarap, ózara memorandýmǵa qol qoıdyq. Bul – bizdiń aldaǵy ýaqytta birlese atqaratyn jumystarymyzdyń basty qujaty bolady», – dedi. О́z kezeginde E.Toǵjanov qaı kezde de birigip jasaǵan jumystyń jemisti, birlesip shyǵarǵan sheshimniń nátıjeli bolatynyn aıtty. «Bıyl Qazaqstan eli jáne halqy úshin erekshe jyl. О́ıtkeni, bıyl táýelsiz el atanǵanymyzǵa 25 jyl tolyp otyr. Jalpy, táýelsizdikten asqan qundylyq, artyq qasıet joq. Sondyqtan ony nyǵaıtýǵa ár qazaqstandyq atsalysýy tıis. Osy rette qo­ǵamdyq kelisimdi nyǵaıtý, sol arqyly memleketimizdiń turaqty damýyn qamtamasyz etý negizinde ǵana biz eldigimizdiń irgesin bekemdep, erkindigimizdi nyǵaıtýǵa tikeleı áser ete alamyz. О́ıtkeni, bizdiń damýymyzdyń ne­gizi basty úsh tuǵyr – Elbasy, Qazaqstan halqy jáne táýelsizdikpen tikeleı baılanys­ty. Búgin birlesip jumys isteýge bel býyp otyrǵan eki saıası qurylymnyń da basshysy Nursultan Nazarbaev ekenin bilemiz. Sondaı-aq, táýelsizdiktiń alǵashqy kúninen bastap eldik, ulttyq jáne birlik saıasaty Elbasynyń jigeri arqyly búkil Qazaqstan memleketiniń basym baǵyty retinde engizildi. Sondyqtan búgingi is-sharamyzdyń basty maqsaty – qazirgi birligimizdi odan ári nyǵaıtý bolyp tabylady», – dedi QHA Tóraǵasynyń orynbasary. Sonymen qatar, E.Toǵjanov «Máńgilik El» ıdeıasyn qabyldaǵan kezde Elbasy negizgi 7 baǵytty belgilep bergenin tilge tıek etip, sonyń ishindegi basty qundylyq táýelsizdik pen birlik ekeni atap kórsetilgenine qaty­sýshylardyń nazaryn aýdardy. Sondyq­tan aldaǵy ýaqytta osy baǵyttaǵy jumys qar­­qynymyzdy kúsheıtip, elimizdegi par­tııalardyń biregeıi – «Nur Otan» partııasymen qoıan-qoltyq jumys isteıtinin aıtqan E.Toǵjanov «Birlesken jumysymyzdyń birinshi baǵyty táýelsizdiktiń 25 jyldyǵyn laıyqty deńgeıde atap ótý aıasyndaǵy is-sharalar bolsa, ekinshisi – «Máńgilik El» ıdeıasyndaǵy basymdyqtardy halyq arasynda keńinen nasıhattaý. Sondaı-aq, «100 naqty qadam» Ult Josparynda qabyldanǵan bes reformanyń ishindegi tórtinshisi – «Birtektilik pen birlikke» qatysty Elbasynyń naqty tapsyrmalaryn birlesip júzege asyramyz. Odan bólek, taıaýda ǵana Memleket basshysynyń qatysýymen ótken Qazaqstan halqy Assambleıasynyń XXIV sessııasynda qabyldanǵan «Máńgilik El» Patrıottyq aktisin halyqqa túsindirý jumystaryn júr­gizemiz», – dedi. Birlesken is-sharalar josparynyń mańyz­dylyǵyna toqtalǵan Parlament Májilisiniń depýtaty, «Nur Otan» partııasy janyndaǵy «Mıras» respýblıkalyq qoǵamdyq keńesiniń múshesi Qýanysh Sultanov shırek ǵasyr buryn búgingi kúnimizdiń múmkin emes­teı kóringenin aıtty. «Táýelsizdik alǵannan keıin qazirgi kúnimizge qandaı jolmen, qandaı reformalarmen jetemiz dep tolǵandyq. Sol qol jetpesteı kóringen arman kúnimiz búginde Elbasy Nursultan Nazarbaevtyń kóregendiginiń arqasynda múmkin bolyp otyr. Bul Prezıdentimizdiń óziniń de armany edi. Sol armanyn halqyna jarııalaǵan Elbasy elin artynan ertip, Qazaqstandy osyndaı beıbitshiligi men birligi jarasqan táýelsiz memleketke aınaldyrdy. Sondyqtan búkil halyq bolyp osy shırek ǵasyrlyq toıymyzdy abyroımen atap ótýimiz kerek», – dedi Q.Sultanov. Parlament Májilisiniń depýtaty, QHA depýtattyq tobynyń jetekshisi, «Nur Otan» partııasy Saıası keńesiniń múshesi Saýytbek Abdrahmanov ta kelisip pishken tonnyń kelte bolmaıtynyna mán berdi. «Prezıdentimiz bir sózinde: «Qazaqstannyń basty baılyǵy – jerdiń astynda da emes, jerdiń ústinde de emes, qazaqstandyqtardyń júreginde», – dep shegelep aıtqan bolatyn. Rasynda da, bizdiń basty baılyǵymyz – birligimiz, birlik arqyly jasap jatqan tirligimiz jáne sol tirliktiń arqasynda búkil álemge kórsetip otyrǵan iriligimiz. Osynyń barlyǵy aınalyp kelgende qoǵamdyq kelisimge kelip tireledi. Qoǵamda kelisim bar jerde barlyq másele sheshiledi, kez kelgen túıin tarqatylady jáne ár salada ilgerileý bolady. Sol sebepti, álemde joq ınstıtýt, «Nazarbaevtyń noý-haýy» dep búkil álemde moıyndalatyn Qazaqstan halqy Assambleıasy «Nur Otan» partııasymen árdaıym birge qadam basyp, bir yrǵaqpen jumys jasaıdy. Assambleıanyń Májilistegi depýtattyq tobynda «Nur Otannan» bólek, «Aq jol» men Qazaqstan Kommýnıstik halyq par­tııasynyń fraksııalary da bar. Osy arqyly biregeı partııaaralyq dıalog jasaýǵa jol ashylyp otyr», – dedi S.Abdrahmanov. Birlesken jumys jóninde óz pikirin bil­dirgen QHA Keńesiniń múshesi, «Nur Otan» partııasy Saıası keńesiniń múshesi, L.N.Gý­mılev atyndaǵy EUÝ QHA kafedrasynyń meńgerýshisi Anatolıı Bashmakov: «Búgingi bekitilgen Birlesken is-sharalar jospary – rýhanı jáne saıası resýrstarǵa baı, asa mańyzdy qujat. Ol Elbasy tapsyrǵan turaqty damý men qazaqstandyq biregeılikti júzege asyrýdy qamtamasyz etetin negizgi baza bolady dep senemin. Qazirgi tańda álemniń ár túkpirindegi ustanymdary men baǵyttary bólek ǵalym­dar, saıa­satkerler jáne qaıratkerler búgingi jahandyq órkenıetti alǵa jyljytatyn nár­­se lıberaldy, sosıal-demokratııalyq nemese konservatıvti ıdeologııalar emes, birinshi kezekte azamattyq biregeılik ekenine kóz jetkizdi. Al eger ondaı qasıet memlekette bolmasa, ol eldiktiń irgesine syzat túsiretini de búginde dáleldendi. Buǵan mysal retinde, Lıvııa, Sırııa, Ýkraına syndy turaqsyzdyq jaılaǵan elderdi aıtýǵa bolady. Sondyqtan da Elbasymyz ár sózinde bereke men birlikti nyǵaıtý kerektigin aıtyp, halyqty soǵan shaqyryp keledi. Osy baǵyttaǵy jumystardy jandandyrý úshin elimizdegi partııalardyń kóshbasshysy «Nur Otan» men Qazaqstan halqy Assambleıasynyń kúsh biriktirýi tek qoldaýǵa turarlyq bas­tama ekenin aıtqym keledi. Bul rette eki qurylymnyń mundaı tájirıbesi buryn­nan bar ekeni de búgingi bastamanyń jemisti bolaryna sendiredi. Sondyqtan qabyldanǵan qujat negizinde atqarylatyn jumystardyń basym baǵytyn halyqqa nası­hattap, laıyqty túrde túsindirýimiz kerek», – dedi. Is-shara barysynda óńirlerdegi partııa jáne QHA fılıaldarynyń jetekshileri tikeleı beınebaılanysqa shyǵyp, óz óńirlerinde atqarylǵan jumystar jóninde aıtyp ber­di. Solardyń biri Ońtústik Qazaqstan ob­lysy Qazaqstan halqy Assambleıasy hat­­­­shylyǵynyń meńgerýshisi Muratálı Qalmuratov «Nur Otan» partııasy men QHA syndy bedeldi eki ınstıtýttyń birlesip jumys jasaýy zańdylyq ekenin aıtty. «Qazaqstan halqy Assambleıasy – jer be­tinde balamasy joq konstıtýsııalyq organ. Bul jóninde álemdik qaýymdastyqtyń belgili sarapshylary árdaıym aıtyp júr. Al «Nur Otan» óziniń elimizdegi kóshbasshy partııa ekenin sońǵy 17 jyl ishinde erekshe uǵyndyryp, aıryqsha ańǵartty. Naýryz aıynda ótken Parlament Májilisi men barlyq deńgeıdegi máslıhattar depýtattarynyń saılaýyna oblystaǵy saılaýshylardyń 85,06 paıyzy qatyssa, sonyń 82 paıyzdan astamy «Nur Otan» partııasyn tańdady. Bul kóshbasshy uıymnyń ońtústik jurtshylyǵy arasyndaǵy bedeli men mártebesiniń shynaıy joǵary ekenin bildiredi», – dedi ol. Onyń sózine qaraǵanda, jyl basynan beri óńirdegi etnosaralyq birlik pen qoǵamdyq kelisimdi nasıhattaý, ózara túsinistik pen qurmetti nyǵaıtý baǵytynda oblystyq deń­geıde 32 is-shara uıymdastyrylypty. So­lardyń ishinde «Qazaq eline myń alǵys», «Dostyq syıy» syndy sharalardyń shoqty­ǵy bıik. Jyl sońyna deıin taǵy 70-ke jýyq keń kólemdegi is-sharalar ótkizý josparlanýda eken. Sonymen qatar, «Nur Otan» partııasy Qaraǵandy oblystyq fılıaly tóraǵasynyń birinshi orynbasary Qadısha Ospanova da baılanysqa shyǵyp, el birligin nyǵaıtý jolynda óńirde atqarylǵan jumystarǵa toqtalyp ótti. Osy rette Qaraǵandy oblysy 100-den astam ult ókili tatý-tátti ómir súrip jatqan, ulttar dostyǵy men qoǵamdyq kelisimniń jarqyn úlgisi bolyp tabylatyn elimizdegi kópultty óńirlerdiń biri ekenin atap ótken jón. Q.Ospanovanyń aıtýynsha, oblystyń partııalyq qurylym men QHA-nyń birlesip jumys isteýi jolynda aıtarlyqtaı tájirıbesi bar. О́ńirdegi 74 etnomádenı birlestik barlyq partııalyq is-sharaǵa belsendi qatysyp keledi. Sondaı-aq, «Jas Otan» jastar qanatynyń belsendileri óńirdegi soǵys ardagerlerine kómektesýdi dástúrge aınaldyrǵan. Sondyqtan Q.Ospanova jańadan bekitilgen Birlesken is-sharalar jos­pary osy jumystardy odan ári jandandyratynyna senim bildirdi. Jalpy, «Nur Otan» partııasy men QHA arasyndaǵy jumys barlyq deńgeıde bir-biri­men qanattasa júrgizilip jatqany anyq. Ony Parlamenttegi eń úlken depýtattyq toptan bastap, eki qurylymnyń jastar qana­tynyń jumystarynan da baıqaýǵa bolady. Osy máseleni tilge tıek etken QHA múshesi, Pavlodar oblysy QHA jastar uıymy úı­lestirý keńesiniń tóraıymy, «Nur Otan» partııasy Saıası keńesiniń múshesi Elına Paýlı aldaǵy ýaqytta eki jetekshi uıymnyń baılanysyn nyǵaıtýǵa elimizdegi jas­tar óz úlesterin qosatynyn aıtty. Otyrys sońynda Birlesken is-sharalar jospary bekitildi. Atalǵan jospar jyl­dyń sońyna deıingi merzimdi qamtyǵan. Oǵan ondaǵan jumys baǵyttary engenin aıta keteıik. Qujatta «Qazaqstan-2050» Stra­tegııasyn tıimdi júzege asyrý, «100 naqty qadam» Ult Jospary men «Nurly Jol» prezıdenttik baǵdarlamasyn ilgeriletý, QHA depýtattyq korpýsy men «Nur Otan» partııasy fraksııasynyń Parlamenttegi ózara baılanysy; saraptamalyq jáne pikir almasý alańdaryn uıymdastyrý, QHA Dostyq úıleri men partııanyń qoǵamdyq qabyldaýlary negizindegi áriptestik, áleýmettik mańyzy bar jobalardy birlesip júzege asyrý jáne QHA bazasynda qaıyrymdylyq sharalaryn uıymdastyrý sııaqty baǵyttarǵa aıryqsha kóńil bólingen. Joldybaı BAZAR, Elaman QOŃYR, «Egemen Qazaqstan»

* Qatysýshylar lebizi

Serik SEIDÝMANOV, Parlament Májilisiniń depýtaty: – Búgin «Nur Otan» partııasy men Qazaq­stan hal­qy Assambleıasy bıyl­ǵy jylǵa arnal­ǵan Birlesken is-shara­lar jos­paryn qa­byl­daǵanyna kýá boldyq. Bul óz ke­zeginde alda tur­ǵan mindetterdi júzege asyrýǵa mol múmkindikter beredi. Naqtylaı aıtqanda, osy qabyldanǵan jospar elimizdegi turaqtylyq pen ornyqty damýdy qamtamasyz etý baǵytyndaǵy jumystardy odan ári jandandyra túsedi dep oılaımyn. Bıyl elimizdiń Táýelsizdigine 25 jyl tolyp otyr. Mine, osynaý qadiri bıik, mán-mańyzy joǵary Táýelsizdik toıyn óz deńgeıinde atap ótýge barlyǵymyz da atsalysýymyz kerek. Osy oraıda Qazaqstan halqy Assambleıasy men «Nur Otan» partııasy Elbasy Nursultan Nazarbaevtyń tapsyrmalarynan týyndaǵan aýqymdy mindetterdi yntymaqtasa otyryp júzege asyrýǵa nıet bildirýi quptarlyq jaıt. Elimizde jasampaz isterdiń mol bolýy barshamyzdy qýantady. Al osy baǵyttaǵy jumystardy birlese atqarý jaqsy nátıje kór­setetini anyq. Shaımardan NÝRÝMOV, Parlament Májilisiniń depýtaty: – «Nur Otan» par­tııa­sy men Qazaqstan halqy Assambleıa­sy – elimizdiń birligi men ynty­maǵy­nyń nyǵaıýyna orasan zor úles qosyp kele jatqan irgeli uıymdar. Qalyptasqan osy eki ınstıtýt Qazaq­stannyń búgini men erte­ńine qatysty aýqymdy sharalardyń únemi bel ortasynda júretinine halyq kýá. Mine, búgin de el ıgiligi úshin birlese qı­myldaýdyń asa qajettigin alǵa tartyp, mańyzdy jospar qabyldady. Bul josparda kóptegen máseleler qamtylyp otyr. Onyń barlyǵy qazaqstandyqtar úshin óte mańyzdy. Máselen, Táýelsizdigimizdiń 25 jyldyǵyn laıyqty toılaýǵa atsalysý –bárimizdiń boryshymyz. Al osy baǵyttaǵy negizgi jumystardy júıeli túrde júzege asyrý – elimiz úshin abyroı. Osy aıtýly sharada Qazaqstannyń táýelsizdik jyldarynda qol jetkizgen tabysy aıqyn kórinis berýi kerek dep oılaımyn. Sondyqtan, osynaý iri sharany ótkizýge atsalysýda «Nur Otan» partııasy men Qazaqstan halqy Assambleıasy ózara kúsh biriktirýi óte durys. Aınalyp kelgende, munyń barlyǵy eldiń ıgiligin kózdeıdi. Abaı TASBOLATOV, Parlament Májilisiniń depýtaty: – Qazaqstan halqy Assam­bleıasy men «Nur Otan» partııasy búgin bıyl­­ǵy jylǵa arnalǵan Birlesken is-sharalar jos­paryn bekitýiniń mańyzy aıtarlyqtaı. Qabyldanǵan qujatta «Qazaqstan-2050» Stra­tegııasyn, «100 naq­ty qadam» Ult Jospary men «Nurly Jol» baǵ­darlamasyn jáne ózge de mańyzdy másele­lerdi óz deńgeıinde júzege asyrý kózdelgen. Sonymen qatar, Elbasy usynǵan «Máńgilik El» ıdeıa­sy aıasynda atqarylýy tıis kóptegen jumystar da búgingi josparda barynsha qamtylǵan. Buǵan qosa, Táýelsizdigimizdiń 25 jyldyǵyn laıyqty atap ótý barsha qazaqstandyqtarǵa úlken jaýapkershilik júkteıdi. Osyǵan baılanys­ty «Nur Otan» partııasy men Qazaqstan halqy Assambleıasy ózara birlesip, halyqpen tyǵyz qarym-qatynasta jumys isteýge qulshynys bildirýde. Bul óz kezeginde elimizdiń birligin ny­ǵaıta túsý baǵytyndaǵy jumys­tardyń nátıjeli bolýyna yqpalyn tıgizedi dep oılaımyn. Fahrıddın QARATAEV, Parlament Májilisiniń depýtaty: – Bıyl Táýel­siz­digimizge 25 jyl tol­ǵa­ly otyr. Osy aralyq­ta Memleket bas­shysy Nursultan Nazarbaevtyń salıqaly saıasatynyń arqa­­synda kóptegen ıgi jumystar atqaryldy. Mu­nyń bar­lyǵy otan­dastarymyzdyń maqta­nyshyn oıatady. Qazirgi tańda bizdiń qoǵa­my­myz birlik pen tatý­lyqtyń jemisin kórýde. Qazaqstandy yntymaq­ty el retinde búkil álem moıyndaıdy. Mine, osyn­daı ta­bystarymyzdy odan ári óristete túsý bar­lyǵymyzdyń qasıetti boryshymyz bolýy kerek. О́zderińiz kýá bolǵandaı, búgin «Nur Otan» partııasy men Qazaqstan halqy Assambleıasy bıylǵy jylǵa arnalǵan mańyzy zor, aýqymy keń jospar bekitip, aldaǵy mindetterdi pysyqtap aldy. Bul Birlesken is-qımyl josparynyń túzilýi quptarlyq is boldy. Jalpy, osy qujat «Máńgilik El» ıdeıasynyń qundylyqtaryn qoǵamymyzda nyǵaıtýǵa jańasha serpin beretinine senemin. Mundaǵy qarastyrylǵan baǵyttardyń barlyǵy da biz úshin mańyzdy. Saýytbek ABDRAHMANOV, Parlament Májilisiniń depýtaty: – Qazaqstan halqy Assam­bleıasy elimizdegi barlyq áleýmettik topty qamtıdy. Sondaı-aq, barlyq etnostyń ba­­syn biriktiredi. Al «Nur Otan» partııasy – elimizdegi negizgi saıa­sı kúsh. Osy eki áleýetti kúshtiń birigip, júıe­li jumys jóninde arnaýly jospar jasaýy, ony osyndaı jaǵdaıda bekitýi óte oryndy. Sol Bir­lesken is-sharalar josparyndaǵy mindetterdiń naqty oryndalýyna Assambleıanyń Parlament Májilisindegi depýtattyq toby laıyqty deńgeıde atsalysady. Bul josparda ózin ózi basqarý júıesin damytý, azamattyq qoǵam ınstıtýttaryn nyǵaıtý syndy birqatar másele qamtylǵan. Sonymen qatar, halyqtyń azamattyq belsendiligin arttyrý tetigi de nazardan tys qalǵan joq.  Osy rette bul eki qurylym qustyń qos qanatyndaı ekenin atap ótken jón. Sebebi, ekeýiniń de negizgi maqsaty – halyqtyń birligin nyǵaıtý, eldiń damý jolyndaǵy tetikterdi iske qosý. Sondyqtan tize qosyp jumys isteýdiń el keleshegi úshin mańyzy joǵary. Natalıa JUMADILDAEVA, Parlament Májilisiniń depýtaty: – Kúsh biriktirip otyr­ǵan eki uıymnyń birinshi basshysy – El­basymyz. Bul Assam­bleıa men par­tııanyń bas­ty maqsaty bir degendi bildiredi. Al maqsat-múd­desi ortaq taraptar birikken kezde, negizgi nátıjeniń jemisti bolary sózsiz. Dúnıejúzinde Qazaqstan halqy Assambleıasy sııaqty birlik pen tatýlyqty saqtap otyrǵan eshqandaı ınstıtýt joq. Aldaǵy ýaqytta partııamen birlese otyryp, osy baǵyttaǵy jumystardy odan ári jalǵastyra beremiz. Endi bizdiń áleýetimiz eki ese artyp, jumys qarqyny kúsheıedi. Jalpy, kez kelgen ekonomıkalyq reformany júzege asyrý úshin turaqtylyq pen birlikke jaýapty arnaıy alań bolýy qajet. Osyny eskergen Elbasymyz táýelsizdiktiń alǵashqy jyldarynda-aq Qazaqstan halqy Assambleıasyn qurdy. Eli­mizdiń búgingi jetistikteriniń barlyǵynda osy Assambleıanyń úlesi bar. Sebebi, atalǵan qurylym eldegi halyqtyń birligin saqtaý arqyly, eldiktiń irgesin bekitti.  Ahmed MÝRADOV, Parlament Májilisiniń depýtaty: – Qazaqta «Birlik bar jerde tirlik bar» degen ataly sóz bar. Otanymyz úshin, halqymyz úshin at­qarylar ıgi jumystardy ózara aqyldasyp, keńese otyryp talqylap, ońdy sharalar qabyldaı bil­sek, utylmaımyz. О́zderińiz bilesizder, «Nur Otan» partııasy qoǵamymyzda úlken bedelge ıe. El-jurtpen etene jumys isteýdiń jar­qyn úlgisin kórsetip júr. Al Qazaqstan hal­qy Assambleıasynyń at­qaryp otyrǵan jumysy, qoǵamdaǵy róli óte zor. Mine, osy eki iri uıym juptasyp, aldymyzda turǵan aıtýly sharalardy birge atqarýdy jón kórip otyr. Meniń oıymsha, «Nur Otan» partııasy men Qazaqstan halqy Assambleıasy halyqpen tyǵyz baılanysta jumys isteýde mol tájirıbesi bar. Sondaı-aq, aýqymy keń sharalardy júzege asyrýda únemi aldyńǵy orynnan kórine biledi. Endeshe, «Máńgilik El» ıdeıasyn halyqqa túsindirip nasıhattaýda, Táýelsizdigimizdiń 25 jyldyǵyn atap ótý barysynda atalǵan eki uıym jaqsy úlgi kórsetedi dep oılaımyn. Jumajan JÚKENOV, «Nur Otan» partııasy respýblıkalyq qoǵamdyq qabyldaý bólmesiniń meńgerýshisi: – Jalpy, «Nur Otan» partııasy Qazaqstan hal­qy Assambleıasymen bir­ge kóptegen jumystar at­qarýda. Máselen, par­tııa­myz Assambleıadan saı­lanǵan depýtattarmen birlese otyryp, qoǵamdyq qabyldaýlar ótkizip keledi. Mundaı úrdis óńirlerde de júıeli túrde qolǵa alynǵan. Osylaısha eki taraptyń yn­tymaqtasa jumys isteýi óziniń tıimdiligin kórsetýde. Búgin bizdiń partııamyz ben Assambleıa arasynda salıqaly talqylaý bolyp, sonyń nátıjesinde Birlesken is-sharalar jospary qabyldandy. Mu­nyń qajet qujat ekenine kúmán joq. О́ıtkeni, Elbasy saıasatyn el arasyna túsindirýde, «Máńgilik El» ıdeıasyn nasıhattaýda, Táýelsizdigimizdiń 25 jyl­dyǵyn atap ótýde qoǵamymyzdaǵy irgeli qos ıns­tıtýttyń kelise otyryp jumys isteýi mańyzdy. Prezıdentimiz Nursultan Nazarbaev júr­gizip kele jatqan salıqaly saıasat nátı­je­sinde hal­qymyzdyń aýyzbirshiligi nyǵaıyp otyr. Ta­týlyǵymyz – bizdiń eń basty qundy­lyq­tarymyzdyń biri. Munyń qadirin el-jurtymyz jaqsy túsinedi.