Atyraý polıseıleri AITV ınfeksııasymen arnaıy medısınalyq esepke alynǵan 23 jáne 28 jastaǵy eki er adamdy ustady. Olar byltyrǵy jeltoqsannan beri trans tulǵa retinde aqyly ıntımdik qyzmet kórsetip kelgen, dep habarlaıdy Egemen.kz.
Oblystyq polısııa departamentiniń baspasóz qyzmetinen málim etkendeı, uıymdasqan qylmysqa qarsy kúres basqarmasynyń qyzmetkerleri kúdiktilerdi anyqtap, ýaqytsha ustaý ızolıatoryna qamady.
Atyraýda ınternet-dúkennen esirtki satqan kúdiktiler qamaýǵa alyndy
«Atalǵan kúdiktilerge qatysty basqa adamǵa AITV ınfeksııasyn juqtyrý deregimen qylmystyq is qozǵaldy. Azamattardyń ómiri men densaýlyǵyna qasaqana qaýip tóndirý – aýyr qylmys. Qazaqstan Respýblıkasynyń zańnamasyna sáıkes, mundaı áreket úshin 5 jyldan 10 jylǵa deıin bas bostandyǵynan aıyrý jazasy qarastyrylǵan. Qazir tergeý amalyn júrgizý bastaldy. Jábirlenýshiler anyqtalyp jatyr», dep málim etti departamenttiń baspasóz qyzmeti.
Atyraýda sot sheshimimen minezi shálkes 20 adamǵa erekshe talap belgilendi