ASTANA. 3 maýsym. Ulybrıtanııa astanasy London qalasynda tek qana sý satatyn kokteıl-bar ashyldy. Bul týraly epoctimes.ru saıtyna silteme jasaǵan egemen.kz tilshisi habarlady.
AQSh-ta osydan birneshe jyl buryn mázirinde sýdyń 20 túri bar «Reı» jáne «Stark» atty oryndar ashylǵan. Londonnyń Oksford kóshesinde ornalasqan bul bar da sol úrdisti qaıtalaıdy.
«Sýdyń ózindik dámi bar. Menińshe, onyń alýan túrinen mázir jasap shyǵarýǵa bolady. Ol úshin quramynda túrli mıneraly bar jáne dámi ózgeshe birneshe sýdy satyp alǵan jón. Osydan soń birinen keıin birin iship kórseńiz, onyń da túr-túri bolatynyn túsinesiz. Sharap sekildi sýdyń da dáminen onyń qaıdan kelgenin ári qansha tereńdikten alynǵanyn bilýge bolady», – deıdi nemis somolesi Martın Rıze.
Somole – meıramhanada sýsyndardy jiberýdi qadaǵalaıtyn jáne sharap týraly tolyq málimet bere alatyn qyzmetker.
Aıan Ábdýálı.
Derek, foto: epoctimes.ru.