Aldaǵy on jylda Qazaqstannyń eńbek naryǵy aýqymdy kadr tapshylyǵyna tap bolýy múmkin. Eńbek jáne halyqty áleýmettik qorǵaý mınıstrligi jasaǵan orta merzimdi boljamǵa sáıkes, 2035 jylǵa qaraı el ekonomıkasyna shamamen 2,9 mln qyzmetker qajet bolady. Bul – bir sáttik suranys emes, aldaǵy onjyldyqtaǵy jınaqtalǵan qajettilik, dep habarlaıdy Egemen.kz.
Mınıstrliktiń derekterine súıensek, 2025-2035 jyldar aralyǵynda ekonomıkada kadrlarǵa degen jalpy qajettilik 2,9 mln adamdy quraıdy. Bul kórsetkish ekonomıkalyq ósimge, jańa jumys oryndarynyń ashylýyna jáne zeınetke shyǵatyn qyzmetkerlerdiń ornyn basýǵa baılanysty qalyptasady.
Ásirese bilikti mamandarǵa suranys artady. Kásibı jáne joǵary bilimi bar qyzmetkerlerge degen qajettilik 2,5 mln adamǵa deıin jetip, shamamen 27%-ǵa ósedi dep kútiledi. Bul eńbek naryǵynda zamanaýı daǵdylar men qoldanbaly bilimniń mańyzy kúsheıetinin bildiredi.
Qazaqstan AQSh-pen birlesip atom energetıkasy salasyna qajetti kadrlar daıyndaıdy
Sonymen qatar jumysshy mamandyqtarǵa da suranys aıtarlyqtaı ósedi. О́ndiristik jáne tehnıkalyq salada 813 myń maman qajet bolady, bul qazirgi deńgeıden 48%-ǵa joǵary. Demek, naqty sektor men ınfraqurylymdyq jobalardyń róli arta túspek.
Qaı salalarda suranys joǵary bolady?Salalyq qurylymǵa kóz júgirtsek, eń kóp kadr qajet etetin baǵyttar – áleýmettik jáne óndiristik salalar.
Bilim berý salasy aldyńǵy orynda tur. 2035 jylǵa deıin bul salaǵa 447,7 myń qyzmetker kerek bolady. Bul jalpy qajettiliktiń shamamen 15%-yn quraıdy. Suranystyń artýy demografııalyq ósim men bilim berý júıesindegi reformalarǵa baılanysty.
Saýda salasynda (kóterme jáne bólshek saýda) 251,3 myń adamǵa suranys bolady (8,4%). Bul sala iri qalalarda jumyspen qamtýdyń negizgi draıverleriniń biri bolyp qala beredi.
Al densaýlyq saqtaý júıesinde 240,4 myń maman qajet (8%). Dárigerlerge, meıirgerlerge jáne qosalqy medısınalyq qyzmetkerlerge degen suranys turaqty túrde joǵary bolmaq.
О́ńdeý ónerkásibinde 231,4 myń adam qajet bolady. Bul ındýstrııalandyrý saıasaty men óndiristik áleýetti arttyrýǵa baǵyttalǵan memlekettik basymdyqtardy kórsetedi.
Qarapaıym mamandyqtarǵa grant kóbeıdi
Sonymen birge aýyl sharýashylyǵyna 222,1 myń adam (7,5%), al qurylys salasynda 216,8 myń adam (7,2%) qajet bolady. Bul eki baǵyt ta eldiń azyq-túlik qaýipsizdigi men ınfraqurylymdyq damýy úshin strategııalyq mańyzǵa ıe.
Kadr tapshylyǵy qaı óńirlerde baıqalady?О́ńirlik bólinis boıynsha eń joǵary suranys iri ekonomıkalyq ortalyqtarda shoǵyrlanady. Eń kóp maman qajet bolatyn qala – Almaty (464 myńǵa deıin kadr). Sondaı-aq qala bıznes, qarjy jáne qyzmet kórsetý salasynyń negizgi ortalyǵy bolyp qala beredi.
Ekinshi orynda – Astana. Elordada 263,4 myń mamanǵa suranys bar. Ákimshilik, qurylys jáne servıs salalarynyń damýy bul kórsetkishke áser etedi. Qaraǵandy oblysynda – 191,6 myń adamǵa, Almaty oblysynda – 172 myń adamǵa, Túrkistan oblysynda – 173,6 myń adamǵa suranys qalyptasady. Sondaı-aq Shymkent qalasynda 141,8 myń maman qajet bolady.
Bul derekter kadr tapshylyǵy tek megapolısterde ǵana emes, óndiristik jáne agrarlyq áleýeti bar óńirlerde de seziletinin kórsetedi.
Jumyssyzdyq máselesi sheshile me?Kadrlarǵa degen aýqymdy suranysqa qaramastan, jumyssyzdyq deńgeıi salystyrmaly túrde tómen kúıinde qalady dep boljanǵan. 2026-2028 jyldary bul kórsetkish 4,7% shamasynda bolady. Iаǵnı másele jumys oryndarynyń jetispeýinde emes, mamandardyń biliktiligi men naryq talaptarynyń sáıkes kelmeýinde bolýy múmkin. Bul – qurylymdyq teńgerimsizdik qaýpin bildiredi.
2035 jylǵa deıingi boljam Qazaqstan eńbek naryǵynyń tereń transformasııa kezeńine aıaq basqanyn ańǵartady. 3 mln-ǵa jýyq mamanǵa degen suranys – bir jaǵynan úlken syn-qater, ekinshi jaǵynan ekonomıkany jańǵyrtýǵa múmkindik.
Ulttyq mamandyqtar transformasııasy ortalyǵy qurylady
Bilikti kadrlar men jumysshy mamandyqtarǵa suranystyń artýy bilim berý júıesin jańǵyrtýdy, kásiptik baǵdarlaýdy kúsheıtýdi jáne bıznes pen oqý oryndary arasyndaǵy baılanysty nyǵaıtýdy talap etedi.
Aldaǵy onjyldyqta kadrlyq saıasat eldiń básekege qabilettiligin aıqyndaıtyn basty faktorlardyń birine aınalýy múmkin.