ASTANA. 3 maýsym. Sońǵy kúnderi toqtaýsyz jaýǵan jańbyrdyń saldarynan Sena ózeniniń arnasy tolyp, Parıj kóshelerin sý ala bastady. Bul týraly «Interfaks.Rý» aqparyna súıengen egemen.kz habarlady.
Búgin ózenniń fransýz astanasy ortalyǵyndaǵy tusy alty metrge deıin kóterilip ketken. Onyń deńgeıi áli kóterile túsetin túri bar.
Fransııanyń qorshaǵan orta mınıstrligi sýdyń Aýsterlıs kópiri aýdany tusyndaǵy deńgeıi ólshengenin málimdedi.
Juma kúngi boljamǵa qaraǵanda, Sena sýynyń deńgeıi 6,3 nemese 6,5 metrge deıin jetýi múmkin.
Fransýz sarapshylarynyń aıtýlarynsha, aldaǵy demalys kúnderi jaǵdaıdyń budan asa qatty ózgerýin kútýge qoımaıdy. Al aldaǵy aptanyń ishinde jaǵdaı birtindep qalypqa kele bastaıdy.
Parıjde juma kúni qaýipsizdik sharalaryn qarastyrý maqsatynda Sena jaǵalaýynda ornalasqan Lývr jabyldy. Sý tasqynynan zardap shegý qaýpi bar mýzeı eksponattarynyń bir bóligi basqa jaqqa kóshirilip áketildi. Budan basqa, aldaǵy seısenbige deıin Orse mýzeıi de jabylady.
Habarlanǵandaı, Sena sýynyń deńgeıi sońǵy kúnderi Fransııada seldetip quıǵan nómerdiń saldarynan kúrt kóterilip ketken.
Talǵat Raıymbek.
Derek, foto: Interfaks.Rý.