KО́KShETAÝ. 3 maýsym. Búgin Qazaqstan Respýblıkasy Ishki ister mınıstriniń buıryǵymen polısııa polkovnıgi Sádenov Erjan Saparbekuly Aqmola oblystyq ishki ister departamentiniń bastyǵy bolyp taǵaıyndaldy. Bul týraly oblystyq ishki ister departamenti baspasóz qyzmetiniń deregine súıengen egemen.kz tilshisi habarlady.
Oblystyń jańa bas polıseıin departament ujymyna Ishki ister mınıstriniń birinshi orynbasary, polısııa general-maıory Marat Demeýov tanystyrdy.
E. Sádenov Shyǵys Qazaqstan oblysynda týǵan. Shyǵys Qazaqstan memlekettik ýnıversıtetin, QR Qaýipsizdik komıteti Qaraǵandy mektebin bitirgen. Shyǵys Qazaqstan oblystyq ishki ister departamentinde ártúrli basshylyq laýazymdardy atqarǵan, Mańǵystaý oblystyq ishki ister departamenti bastyǵynyń birinshi orynbasary, Ishki ister mınıstrligi qyzmetteriniń birinde basshy bolǵan. Ol jańa taǵaıyndaýǵa deıin Ishki ister mınıstrligine qarasty kólik ishki ister departamentiniń bastyǵy bolyp kelgen.
Baqbergen Amalbek.
Derek, foto: Aqmola oblystyq ishki ister departamentiniń bastyǵy.