Keshe Bishkekte Qazaqstan Premer-Mınıstri Kárim Másimov TMD Úkimetteri basshylary keńesiniń kezekti otyrysyna qatysty.
Otyrys qatysýshylary saýda-ekonomıkalyq, energetıka, densaýlyq saqtaý jáne bilim berý salalaryndaǵy ıntegrasııalyq ózara is-qımyldy damytýǵa arnalǵan máselelerdiń keń aýqymyn talqylady. Atap aıtqanda, birjaqty pishimdegi otyrysta delegasııa basshylary TMD organdarynyń 2016 jylǵa arnalǵan biryńǵaı bıýdjetine ózgerister engizý týraly máseleni qarady, dep málimdedi Atqarýshy komıtettiń tóraǵasy –TMD Atqarýshy hatshysy Sergeı Lebedev keńeıtilgen quramdaǵy otyrys barysynda. Kún tártibinen tys TMD Atqarýshy komıtetiniń TMD elderi Memleket basshylary keńesiniń Qazaqstan Respýblıkasynyń 2015 jylǵy 16 qazandaǵy usynystary týraly hattama sheshimin júzege asyrý barysy jaıly málimeti tyńdaldy.
«Osy másele aıasynda TMD qyzmetin jetildirý týraly ótkir jáne konstrýktıvti pikir almasý ótti jáne Keńeske TMD elderiniń turaqty ókiletti ókilderine, Ekonomıkalyq máseleler jónindegi komıssııaǵa jáne TMD Atqarýshy komıtetine birjaqty pishimde ótken otyrys barysynda aıtylǵan barlyq eskertýlerdi, paıymdaýlar men pikirlerdi eskertýdi tapsyratyn hattama sheshimi qabyldandy», – dedi S.Lebedev. Sondaı-aq, ol bul másele bıylǵy jyldyń 16 qyrkúıeginde Bishkekte TMD Memleket basshylary keńesinde qaralatynyn aıtty. Keńeste Dostastyq elderiniń túrli saladaǵy yntymaqtastyǵyn odan ári keńeıtý jáne tereńdetýge baǵyttalǵan jıyrmadan astam qujat jobalary qaraldy. TMD ÚBK-niń kelesi otyrysy 2016 jylǵy 28 qazanda Mınskide ótetin boldy, dep habarlady Qazaqstan Premer-Mınıstriniń baspasóz qyzmeti.