Sport: Apta aıshyqtary

7-shi Qysqy Azııa oıyn­darynyń ashylý qurmetine arnalǵan sharada oblys ákiminiń oryn­basary Farhad Qýanǵanov, Petropavl qalasynyń ákimi Nurjan Áshimbetov sóılep, elimizdiń tarıhynda zor oqıǵa sanalatyn jáne álem kóz tigip otyrǵan Azıada básekesiniń mán-mańyzyn atap kórsetti. Atqarýshy organdar men túrli vedomostvolardan, joǵary, ar­naýly, jalpy bilim beretin oqý oryndarynan qatysqan 40-tan astam komandanyń ókilderi sporttyń buqaralyǵyn kóterýge belsene atsa­ly­syp, naǵyz sportshylarǵa tán is-áreketterimen kózge tústi.

О́mir ESQALI. Soltústik Qazaqstan oblysy. 

MÚDDELES ÁRIPTESTERMEN YNTYMAQTASTYQ. О́ndiris, ǵylym salalarynan jáne isker toptar ókilderinen qu­ralǵan oblys delegasııasy Sıngapýr, Malaızııa memleketterinde bolyp qaıtty. Ony aımaq basshysy Serik Ahmetov bastap bardy. Qar­a­ǵan­dylyqtar múddeles áriptestermen kezdesýler ótkizip, ónerkásiptik tehnologııalar transferti men ınvestısııalar tartý maqsatynda aldyńǵy qatarly kásiporyndar jumysymen tanysty. Sapar barysynda oblys ákimi men «Dart Enerdjı» kompanııasynyń basshylyǵy arasynda ózara yntymaqtastyq jónindegi memorandýmǵa qol qoıyldy. Sıngapýrda ornalasqan bul kompanııa ónerkásiptik gaz óndirý salasynda álemdik kóshbasshy sanalady. Al Malaızııada turǵyndardy sýmen qamtamasyz etýmen shu­ǵyldanatyn «Ranhill» kompanııasynyń tá­jirı­besine nazar aýdaryldy.

Aıqyn NESIPBAI. Qaraǵandy. 

Memlekettik til mártebesin kóterý úshin. Oblystyq tilderdi damytý jónindegi basqarma «Memlekettik til jáne buqaralyq aqparat quraldary» oblystyq konkýrsyn jarııalap, qoǵamdyq ómirde ana tilimizdiń mańyzy men sapasyn jaqsartýdy alǵa qoıdy. Baıqaý «Úzdik basylym», «Úzdik telearna», «Úzdik saıt» nomınasııalary boıynsha ótip, qorytyndysy mamyr aıynyń aıaǵynda shyǵarylmaqshy. Jyl saıyn baıqaý óz jeńimpazdaryn anyqtap, onda jýrnalısterdiń tildiń qazirgi ahýalyna baılanysty ótkir syn, saraptamalyq taldaýǵa qurylǵan maqalalary kóptep jaryq kórip keledi. Bıyl da bul úrdis jalǵasatyny konkýrs sharttarynda anyq kórsetilse, áriptester oǵan kirisip te ketti.

Kúmisjan BAIJAN. Almaty oblysy. 

JAŃA ÁKIM AQSAQALDARMEN KEZDESTI. Qalanyń jańa ákimi Aıbek Kárimov bıylǵy qystyń qysyp turǵan qarbalas shaǵyna qaramastan elmen kezdesip, pikirlesýge ýaqyt taba bilýde. Jýyrda ol ardager aqsaqaldarmen kezdesip, keńinen pikirlesti. Jyly júzdi júzdesýde jylý máselesi de, qala bolashaǵy da, jastar tárbıesi de jan-jaqty qozǵaldy. Qarttar qatty aıazda qatyp qalǵan úılerdi tezdetip qatarǵa qosqan jańa ákimge óz alǵystaryn bildire otyryp, aq batalaryn berdi. Endi eldiń sol seniminen shyǵý jańa ákim úshin sertpen teń dep bilemiz. О́ıtkeni, bul jaqta kóktemge deıin áli erte.

Dáýlet SEISENULY. Semeı. 

О́ZENDERDIŃ О́ZEKTI MÁSELESI QARALDY. «Nur Otan» HDP Aqtóbe oblystyq fılıaly «Batysekojoba» ǴZI» JShS-men birlese otyryp, «Aqtóbe oblysyndaǵy ózenderdiń ekologııa­lyq jaǵdaıy jáne ekologııalyq qalyptylyǵyn saqtaýdyń perspek­tı­va­la­ry» degen taqyrypta aımaqtyq ǵylymı-tájirıbelik konferensııa ótkizdi. Qazir oblystaǵy onnan astam ózenniń basseıni munaı, qara jáne tústi metall óndiretin kásiporyndardan shyqqan qaldyqtarmen las­tan­ǵan. Konferensııada baıandama jasaǵandar men basqa shyǵyp sóı­leý­shilerdiń sózderinde Jem, Elek, Oıyl jáne Saǵyz ózenderiniń prob­lemalary tereńirek taratylyp, olardyń ekologııalyq jaǵdaıyn jaqsartý boıynsha usynystar qabyldandy.

Satybaldy SÁÝIRBAI. Aqtóbe oblysy. 

NASIHATTAÝ JOLYNDAǴY BELSENDILIK. Býrabaı aýdanyndaǵy Qarabulaq negizgi mektebinde Elbasy Nursultan Nazarbaevtyń Qazaqstan halqyna arnaǵan bıylǵy Joldaýyn nasıhattaý sharalary belsendilikpen júrip jatyr. Sonyń biri retinde «Ana tili – júrek úni» aptalyǵyn aıtýǵa bolady. Tálimdik sharanyń alǵashqy kúni «Bolashaqty birge jasaımyz» atty ıntellektýaldy únqatysý alańymen bastalyp, Joldaý alǵa tartqan mindetter men onyń rýhanı qýaty ashyp kórsetildi. «Sózmergen» saıysynda Aıdana Tıyshtybaeva ónege kórsetse, 5 synyp oqýshysy Zarına Rahymovanyń shyǵarmasy úzdik dep tanyldy. Sondaı-aq, «Bilim – teńiz», «Bir áýen aıasynda». «Qaıym aıtys» básekesi de bolashaqtyń týyn kóterip turǵandaı áser qaldyrdy.

Baqbergen AMALBEK. Aqmola oblysy. 

JERGILIKTI SÝRETShINIŃ JEKE KО́RMESI. «О́mir, oılar, sezim» dep atalatyn kórme belgili qostanaılyq sýretshi Georgıı Sokovtyń 70 jasqa tolýyna arnaldy. Onyń shyǵarmalary qala ortalyǵyndaǵy kórkemsýret galereıasynyń tutas eki qabatyndaǵy zaldy alyp turdy. Sýretshi bul jeke kórmesine osy ýaqytqa deıin jazǵan eń tańdaýly 93 kartınasyn qoıypty. Georgıı Mıhaılovıchtiń eńbekteri kórermenin oıǵa jeteleıtin tereń fılosofııalyq mazmunymen erekshelenedi. Onyń «Eski Qos­ta­naı», «Saq áýenderi», «Kókpar» atty shyǵarmalary sonyń kýási. Talant ıesi tek bir janrda ǵana jumys istemeıdi. Onyń grafıkalyq týyndylary da keńinen tanys. Sonymen qatar, sýretshi kitap bezendirýge de belsene qatysqan. Onyń eńbekteri «Qazaq­stan­nyń monýmentaldyq óneri» atty albomǵa da kirgen.

Názıra JÁRIMBETOVA. Qostanaı.