Atyraý oblysynda taǵy da qamys órti tutandy. О́rt oshaǵy munaıly shaharǵa taıaý ornalasqan Alǵabas aýylynan 5 shaqyrym qashyqta anyqtaldy, dep habarlaıdy Egemen.kz.
Oblystyq tótenshe jaǵdaılar departamentiniń syrtqy kommýnıkasııalar jáne ımıdjdik jumys tobynyń deregine súıensek, 27 aqpanda órt oshaǵyna monıtorıng júrgizilgen.
«Keshki saǵat 19:21-de Atyraý qalasynan Eskene ken ornyna qaraı 50 shaqyrym qashyqtyqta qamystyń janǵany anyqtaldy. Úsh alańda janǵan qamystyń jalpy aýmaǵy 152 sharshy metrdi qurady. Oqıǵa ornyna tótenshe jaǵdaılar departamentiniń 14 qyzmetkeri jiberildi. Qutqarýshylardyń úılesimdi is-qımylynyń nátıjesinde saǵat 21:25-te oshaqtary tolyqtaı joıyldy», dep habarlady departamentiniń syrtqy kommýnıkasııalar jáne ımıdjdik jumys tobynan.
Al saǵat 21:20-da taǵy bir órt oshaǵy bary anyqtaldy. Bul – Atyraý qalasynyń Alǵabas aýylynan shamamen 5 shaqyrym qashyqtaǵy qamys órti.
«Kaspıı teńizi jaǵalaýyndaǵy ashyq alańda qamys pen qurǵaq shóp órtendi. О́rt oshaǵy aýmaǵy anyqtalyp jatyr. Oqıǵa ornyna departamenttiń 10 qyzmetkeri jumyldyryldy. О́rttiń eldi mekenge taralý qaýpi joq», dep málimdedi departamenttiń syrtqy kommýnıkasııalar jáne ımıdjdik jumys tobynan.
Aıta keteıik, Astana qalasy Almaty aýdanyndaǵy Saryaǵash ótkelinde ornalasqan jeke bir qabatty avtoservıstiń ǵımaratynda órt shyqty.