Abaı ýnıversıtetinde «Qaıym Muhamedhanov – 110 jyl: Ult rýhanııaty, ǵylym jáne abaıtaný máseleleri» taqyrybynda halyqaralyq sımpozıým ótti, dep habarlaıdy Egemen.kz.
Sımpozıýmda «Qaıym Muhamedhanov atyndaǵy abaıtaný dárishanasy» ashylyp, qalamger eńbekteriniń tusaýy kesildi. Halyqaralyq deńgeıdegi alqaly jıyn ult rýhanııatyna ólsheýsiz úles qosqan kórnekti ǵalym, abaıtanýshy, tekstolog Qaıym Muhamedhanovtyń ǵylymı murasyn jańasha paıymdaýǵa arnaldy.
Dárishananyń tusaýyn ýnıversıtettiń akademııalyq qyzmet jónindegi prorektor Baný Narbekova, Fılologııa fakýltetiniń dekany Alýa Tańjaryqova, professor Faýzııa Shamsııaqyzy jáne ádebıettanýshy Baltabaı Ábdiǵazın kesti. Sımpozıýmǵa Qaıym Muhamedhanovtyń uly Degdar Qaıymuly men qyzy Dına Qaıymqyzy qatysyp, áke murasyna kórsetilgen qurmetke rızashylyqtaryn bildirdi.
Prorektor Baný Narbekova óz sózinde bar ǵumyryn alashtaný men abaıtanýǵa arnaǵan Qaıym Muhamedhanovtyń qýǵyn-súrginge ushyrasa da taǵdyr synyna moıymaı, elge adal qyzmeti búgingi urpaqqa úlgi ekenin atap ótti. Sonymen qatar, ǵalym atymen ashylǵan dárishananyń ádebıettanýshylar men pedagogtardy daıarlaıtyn qara shańyraq úshin tarıhı mura jáne Abaı qundylyqtaryn dáripteýge berik negiz bolatynyn jetkizdi.
Sımpozıýmda Qaıym Muhamedhanovtyń ǵylymdaǵy jolyna toqtalyp ótken M.Áýezov atyndaǵy Ádebıet jáne óner ınstıtýtynyń dırektory, akademık Kenjehan Matyjanov eńbekteriniń mańyzyn atap ótti.
«Qaıym Muhamedhanovtyń jetekshiligimen 30-dan asa dıssertasııa qorǵaldy. Búginde Abaı shákirtteri men izbasarlary mektepter men joǵary oqý oryndarynda oqytylyp keledi. Bul – qazaq ádebıetindegi biregeı ǵylymı mektep, ult maqtanyshy. Osyndaı jankeshti eńbegi úshin ol 1951 jyly saıası qýǵyn-súrginge ushyrap, 25 jylǵa bas bostandyǵynan aıyryldy. Soǵan qaramastan, ǵumyr boıy Abaı sóziniń túpnusqasyn saqtaýmen aınalysty, tekstologııalyq taldaý jasap, ǵylymı túsiniktemeler jazdy. Búgingi jastar erkin zamanda ómir súrip jatyr. Konstıtýsııanyń eń basty qundylyǵy – adamnyń erkindigi. Al osy erkindikti Qaıym Muhamedhanov syndy tulǵalar ǵumyr boıy armandady. Sizder baqyttysyzdar», dedi akademık.
Jıynda sondaı-aq Shákárim ýnıversıtetiniń rektory Dýman Rymǵalıuly jáne Túrkııa Respýblıkasy konsýldyǵynyń bilim jónindegi attashesi, professor Shúkir Kóshe kórnekti ǵalymnyń mazmundy murasyna, abaıtanýǵa qosqan keleli eńbeginiń mańyzyn atap ótti. Abaıtanýǵa arnalǵan dárishananyń ashylýy qazaq ǵylymy men mádenıetin damytýdaǵy ǵylymı oratlyqtyń birine aınalmaq.
Sezim selt etken kesh
Sımpozıýmda Qaıym Muhamedhanuly atyndaǵy bilim jáne mádenıet ortalyǵynyń dırektory, ǵalymnyń qyzy Dına Qaıymqyzy ýnıversıtet qoryna kitaptar syılady.
Ǵasyr úni jańǵyrǵan kesh