Ulybrıtanııa azamatshasyn ajaldan arashalap qaldy
Osydan birneshe kún buryn Islamabadtan Londonǵa ushqan ushaqtyń shuǵyl túrde Aqtóbe halyqaralyq áýejaıyna qonýyna týra keldi. Oǵan 64 jastaǵy jolaýshy áıeldiń búıregi syr bergeni sebep bolǵan. О́kpe qabynýy men dıabetke shaldyqqan jolaýshyny aqtóbelik aq halattylar emdep jatyr. Bıbi Nur Muhamedıdiń kúıeýi men balalary analaryn alyp ketý úshin Londonnan Aqtóbege arnaıy ushyp keldi. Olar dárigerlerge qaıyrymdylyqtary úshin shynaıy alǵystaryn bildirip, estelikke sýretke túsýdi de umytpady.
Pákistan elinde týǵan Ulybrıtanııa azamatshasynyń densaýlyǵy kókte nasharlap, ushaq qonýǵa májbúr bolǵan. Naýqas aýyr halde klınıkalyq aýrýhananyń jansaqtaý bólimine túsken. Bólimniń meńgerýshisi Qamalhan Ermaǵambetov klınıkadaǵy mýltıfıltrat degen apparattyń asa kúrdeli jaǵdaıdaǵy naýqastardy emdeıtinin, bir jarym jyldan beri 25 naýqasqa em jasalǵanyn, bári de saýyǵyp shyqqanyn jetkizdi.
Dárigerlerdiń aıtýynsha, naýqastyń zat almasý prosesi buzylyp, aǵzasy lastanýy saldarynan búıregi aýyryp, dıabeti asqynyp ketken. Qamalhan Qýanulynyń málimdeýinshe, qazir jaǵdaıy qalypty, dárigerlik qadaǵalaýda.
– О́te aýyr jaǵdaıdaǵy qatań naýqas klınıkalyq ólim dıagnozymen bizdiń emdeý ornyna jetkizilgen bolatyn. Osy ujym kórsetken medısınalyq kómektiń arqasynda 4 kún komada bolǵan naýqas esin jıyp, jaǵdaıy jaqsaryp, eline qaıtýǵa daıyndalyp jatyr, – dedi oblystyq klınıkalyq aýrýhananyń bas dárigeri Samat Danııarov.
Ony emdeýge Aqtóbede jumys isteıtin pákistandyq kardıolog Inamullah Han da kómektesken eken. Ol otandasynyń ajal aýzynan aman qalǵany týraly óz eline habarlaǵan kórinedi. Ol da qazaq halqyna, dárigerlerine rızashylyǵyn bildirgen.
Satybaldy SÁÝIRBAI,
«Egemen Qazaqstan»
Aqtóbe