«Qazgıdromet» sınoptıkteriniń boljamyna sáıkes, 21 men 23 sáýir aralyǵynda Qazaqstan aýmaǵynda sıklon men atmosferalyq frontaldy bólikterdiń áserinen kún raıy qubylmaly bolady, dep habarlaıdy Egemen.kz.
23 sáýirde elimizdiń ońtústigi men ońtústik-shyǵysynda qatty jańbyr jaýyp, kúndiz naızaǵaı oınaıdy dep kútiledi. Sondaı-aq, keıbir aýdandarda burshaq jaýýy múmkin. Respýblıka boıynsha jel kúsheıip, túnde jáne tańerteń tuman túsedi.
Sınoptıkter kúndizgi aýa temperatýrasynyń tómendeıtinin de eskertti:
Batysta – +7...+17 gradýs; Soltústikte – +13...+20 gradýs; Ortalyqta – +15...+23 gradýs; Ońtústikte jáne ońtústik-shyǵysta +15...+20 gradýs jyly bolady.