Qazaqstan 2026 jylǵy zertteý nátıjeleri boıynsha álem elderiniń ekonomıkalyq erkindik ındeksinde kórsetkishin 63,8 balldan 64,2 ballǵa deıin jaqsartty. Osylaısha, elimiz Ortalyq Azııa óńirinde bul kórsetkish boıynsha kóshbasshy atandy, dep habarlaıdy Egemen.kz.
Ekonomıkalyq erkindik uǵymy azamattardyń memleket tarapynan shekteýsiz menshik ıelený, kásip tańdaý, tabys tabý, qarjy jumsaý jáne bıznes júrgizý múmkindikterin bildiredi. Zertteýdi Heritage Foundation (AQSh) strategııalyq zertteý ınstıtýty júrgizedi. Indeks 10 negizgi kórsetkish negizinde esepteledi. Olardyń qatarynda menshik quqyǵy, sybaılas jemqorlyq deńgeıi, salyqtyq erkindik, úkimettiń ekonomıkaǵa aralasýy, kásipkerlik jáne eńbek erkindigi, aqsha-nesıe jáne saýda erkindigi, ınvestısııalyq jáne qarjylyq erkindik bar.
Ashyq esik ekonomıkasy: Qazaqstanda elge kirý erejeleri jeńildetildi
Zertteý nátıjesine sáıkes, Qazaqstan tek Ortalyq Azııa elderi arasynda ǵana emes, sondaı-aq TMD, Eýropa jáne Ońtústik-Shyǵys Azııanyń birqatar memleketin de ekonomıkalyq erkindik deńgeıi boıynsha basyp ozǵan.
Bul kórsetkish Qazaqstan halqy úshin ekonomıkalyq erkindik deńgeıi birqatar elmen salystyrǵanda joǵary ekenin kórsetedi. Atap aıtqanda, Qazaqstan ındeksi Italııa (74-oryn), Grekııa (75-oryn), Vengrııa (79-oryn), Túrkııa (117-oryn), Reseı (145-oryn), jáne Qytaı (154-oryn) elderinen joǵary kórsetkishke ıe.
El ekonomıkasynyń ımmýnıteti kúsheıip keledi
Al reıtıngtiń alǵashqy oryndaryn sońǵy birneshe jyl boıy turaqty túrde Sıngapýr (84,4 ball), Shveısarııa (83,7 ball) jáne Irlandııa (83,3 ball) ıelenip keledi.
Nurbolat AMANBEK