[caption id="attachment_47310" align="alignleft" width="560"] SPL1033808_001[/caption]
Úsh jasar qyzdyń kıim-keshegi – 1 mln. dollar
Amerıkalyq belgili model Kım Kardashıan úsh jasar qyzy Norttyń barlyq kıim-kesheginiń garderoby qazirdiń ózinde 1 mln. dollarǵa barady.
Life & Style basylymy kishkentaı qyzdyń sondaı-aq, óz stılısi men tyrnaq jónindegi sheberi bar ekenin, osy úshin anasy aptasyna olarǵa 5 myń dollar aqsha tólep turatynyn jetkizdi. Aıtqandaı, Kım Kardashıan alty aıǵa endi tolǵan uly Seınt úshin de arnaıy garderob daıyndap jatyr.
Maımyldar da kameramen sýretke túsýdi biledi
Amerıkanyń Kalıfornııa shtatyndaǵy Manýel antono ulttyq parkinde aq ıyqty kapýsın tekti maımyldar bireýdiń kamerasyn urlap áketip, óz dostarymen birge birneshe ret sýretke túsken.
Osynda 18 jasar bozbala Koýl Veber maımyldardy jasyryn kameramen vıdeoǵa túsirip almaq bolady. Sol maqsatta GoPro markaly kamerasyn iske qosyp, aǵashtyń basyna qaldyryp ketedi. Sol kezde maımyldardyń biri gadjetti ala qashyp, janyndaǵy ańdarmen birge sýretke túse bastapty. Amerıkalyq jigittiń telefony kameraǵa jalǵanyp qoıylǵan eken, sondyqtan ol bolyp jatqan oqıǵalardy smartfonnan tikeleı efır júzinde kórip otyrǵan.
«Velosıpedim pedali – altynnan-dúr»
Italııanyń La Strana Officina atty dızaın-bıýrosy velosıpedtiń Cellini Uomo lıýks modelin jasap shyǵardy.
Kólik quralynyń erekshe bolatyn sebebi, onyń rýliniń bir bóligi men tıtandy ózegine jalǵanǵan pedaliniń betine 999 ólshemdi altyn jalatylǵan. Qymbat metall olarǵa anodtalǵan jolmen berilgen. Sonymen birge, rýldiń sol jaǵy men ershigi jylan terisine uqsas materıalmen qaptalǵan. Dızaınnyń qosymsha elementi retinde dońǵalaqtyń «shyrmatylyp qalǵan» symdary alynǵan. Tejegish djoıstıktiń kómegimen basylady. Velosıpedtiń berilis qorapshasy bar, ol bolat beldikke ornalasqan.
Nesıe alǵyń kelse, jalańash sýretińdi tapsyr
Qytaıda bankter stýdent qyzdardyń jalańash túsken sýretterin kepilge qoıyp, kredıt bere bastady.
Osydan bastap joǵary oqý oryndarynda oqıtyn qyzdar bankterden kredıt alý úshin sýretke nemese vıdeoǵa jalańash túsip, olardyń faıldaryn pasporttarymen birge QQ nemese WeChat messendjerleri arqyly kredıtorǵa jiberýleri kerek. Qarjyny qaıtara almasa fotografııalar men vıdeo ne áleýmettik jelide jarııalanady nemese qyzdardyń ata-analaryna jiberiledi.
Úndistan sıyrlardy qorǵaý mınıstrligin qurýǵa nıetti
Úndistanda eldiń ómirinde erekshe oryn alatyn sıyr janýaryn saqtaý men qorǵaýdy júzege asyratyn arnaıy mınıstrlik qurylǵaly jatyr.
Bul jónindegi usynysty Búkilálemdik ındýıster keńesi premer-mınıstr Narendra Modıge jetkizgen. Endi ony parlamenttiń shilde aıynda ótetin jańa sessııasy qaraǵaly otyr. «Sıyr bizdiń ómirimizdiń sımvoly, mádenıetimizdiń jany bolyp tabylady. Al oǵan qazir jetkilikti kóńil bólinip jatqan joq», – dep málimdedi atyn atamaǵan sheneýnik. Onyń aıtýynsha, ıdeıanyń máni sıyrlardy qyrylyp ketýden saqtap qalýǵa ushtasady. Sıyr kóbeıse, eldiń sútpen qamtamasyz etilý jaıy da jaqsara túsedi.
WSJ Úndistanda iri qara malyn soıýdyń kópten beri úlken problemalyq máselege aınalyp kele jatqanyn atap ótedi. Mundaı áreketter qoǵamda birden qatty qarsylyqqa ushyraıdy. Mysaly, ótken jyly sıyr etin jegeni úshin musylman kisi jurttyń tepkisi astynda qalyp, azaptalyp óldi. Osynyń saldarynan elde ekijaqty teketirester boı kórsetti.
Erikkenderdiń óz jarystary bar eken
Ońtústik Koreıanyń astanasy – Seýl qalasynda eshteńe istemeýden Space Out júıesi boıynsha chempıonat bolyp ótti.
Ichon Hangag parkinde úshinshi jyl ótip otyrǵan saıysqa 70 adam qatysqan. Olarǵa belgilengen ýaqytta mobıldi qondyrǵylardy paıdalanýǵa, bir-birimen sóılesýge, kúlýge, uıyqtaýǵa tyıym salynǵan. Sý ishý úshin nemese ájethanaǵa barǵylary kelse, tóreshiden ruqsat suraıtyn bolǵan. Al qazylar alqasy ár15 mınýt saıyn saıyskerlerdiń demalysy men pýlsin tekserip turǵan. Jeńimpaz retinde júrek soǵysy bárinen qalypty adamdy tańdaǵan.
Aqparat agenttikteri materıaldary negizinde daıyndaldy