* Dúbir
Brazılııanyń Rıo-de-Janeıro qalasynda jazǵy Olımpııa oıyndary ótetin ýaqyt jaqyndaǵan saıyn Qazaqstan quramasy da oǵan qatysatyn sportshylar sanyn arttyryp keledi. Qazirgi tańda Oıyndarǵa joldama jeńip alǵan sportshylarymyzdyń sany 98-ge jetti. Munyń ishinde jeńil atletterdiń úlesi bárinen kóp. Olar ázirge 20 lısenzııaǵa ıelik etip otyr. Baıdarka men kanoeda eskek esý jarysynda 11 sańlaǵymyz jarysady. Budan ári boksshy jigitterimiz ben aýyr atletterimiz 10 adamdyq qurammen saıys alańyna shyǵady.
Bulardan bólek, erkin kúres sheberleri – 5, áıelder kúresi men myltyq atýdyń árbirinde 4-ten joldama bar. Sol sııaqty tennısshiler, grek-rım kúresiniń sheberleri, taekvondoshylar men dzıýdoshy jigitter – úsh-úshten, dzıýdoshy jáne boksshy qyzdar, veloshabandozdar, sadaq atýshylar, akademııalyq esýshiler men sýda júzýshiler eki-ekiden joldama alǵan. Taǵy sınhrondy júzý, qazirgi zamanǵy bessaıys, stend atý, velotrek, semserlesý, ústel tennısi, kórkem gımnastıka, esý slalomy, batýtta sekirý jáne aıdynda júzý sekildi sport túrlerinen bir-bir ókilden Olımpıadaǵa barǵaly tur.
Balýandar quramy anyqtaldy
Elimizdiń kúres túrlerinen Olımpıadaǵa baratyn quramalary quramdary anyqtaldy. Qazaqstan kúres federasııasynyń basshylyǵy Rıo-de-Janeıro kileminde el namysyn qorǵaıtyn balýandar esimderin jarııalady.
Grek-rım kúresi komandasynyń sapynda Almat Kebisbaev (59 kg), Dosjan Qartyqov (75) jáne Nurmahan Tinálıev (130) bar. Erkin kúres jasaǵyn Artas Sana (57), Ǵalymjan О́serbaev (74), Aslan Kahıdze (86), Mamed Ibragımov (97) jáne Dáýlet Shabanbaı (125) quraıdy. Áıelder kúresi boıynsha boz kilemge Juldyz Eshimova (48), Ekaterına Larıonova (63), Elmıra Syzdyqova (69) jáne Gúzel Manıýrova (75) shyǵady.
Aıta ketetin jaıt, kúreste Olımpııalyq lısenzııalar komandaǵa beriledi. Sondyqtan olarda qol jetken salmaqtar boıynsha kimderdiń baratynyn jattyqtyrýshylar keńesi sheshedi.
Olımpıadada kúres túrlerinen medaldardy sarapqa salý jarystary 14-21 tamyz kúnderi ótedi.