Elimizde 1 shildeden bastap jumysyn adal atqarmaıtyn qurylys salýshylardyń biryńǵaı reestrin engizý josparlanyp otyr. Tıisti buıryq negizinde «qara tizimge» engen qurylys kompanııalarynyń turǵyn úı naryǵyna enýine shekteý qoıylady, dep habarlaıdy Egemen.kz.
Jańa júıe úleskerlerdiń quqyqtaryn qorǵaý jáne turǵyn úı naryǵyndaǵy táýekelderdi azaıtý maqsatynda ázirlengen. Reestrdi jergilikti atqarýshy organdar elektrondy formatta júrgizedi. Al ashyq bóligi Biryńǵaı turǵyn úı qurylys operatorynyń ınternet-resýrsynda jarııalanady.
Tizim tórt sanattan turady:
birinshi sanat − ruqsatsyz qarajat tartatyn kompanııalar; ekinshi sanat − táýekel belgileri bar qurylys salýshylar; úshinshi sanat − sot sheshimimen zańbuzýshylyqtary anyqtalǵan kompanııalar; tórtinshi sanat − problemaly turǵyn úı nysandary.Úshinshi sanatqa engen kompanııalarǵa úleskerler qarajatyn tartýǵa tikeleı tyıym salynady. Sondaı-aq bankter men qarjy uıymdary bul derekterdi sheshim qabyldaý kezinde eskeretin bolady.
Qasym-Jomart Toqaev: Qurylys kompanııalarynyń jaýapkershiligin kúsheıtý qajet
Sala mamandarynyń pikirinshe, jańa reestr qurylys naryǵyn tazartýǵa, jaýapkershilikti arttyrýǵa jáne azamattardyń múddesin qorǵaýǵa yqpal etedi. Qazirgi ýaqytta normatıvtik quqyqtyq akt jobasy memlekettik organdarmen kelisý satysynda, al qoǵamdyq talqylaý 24 sáýirge deıin jalǵasady.
Balabaqsha ǵımaratyn sapasyz salǵan: Qurylys kompanııalarynyń jaýapsyzdyǵy tyıylar emes
Nurbolat AMANBEK