Germanııalyq tanymal HiPP kompanııasy Aýstrııa, Slovakııa jáne Chehııa naryǵynan óz ónimderiniń bir bóligin keri qaıtaryp jatyr. Buǵan balalar botqasynan egeýquıryq ýynyń tabylýy sebep bolǵan, dep habarlaıdy Egemen.kz.
Ýly zat 5 aılyq sábılerge arnalǵan 190 gramdyq «Sábiz ben kartop» botqasynan anyqtalǵan. Kompanııanyń málimetinshe, atalǵan ónimder Aýstrııadaǵy SPAR sýpermarketteriniń 1 000-nan astam núktesinen satylymnan alynyp tastalǵan. Tutynýshylarǵa satyp alynǵan taýar úshin tolyq aqshalaı ótemaqy usynylyp otyr.
Taǵy da astan ýlaný ma?
Sondaı-aq dál osy ónimge uqsas partııalar Chehııa men Slovakııada da polısııa tarapynan tárkilengen. Alǵashqy zerthanalyq taldaýlar taǵam quramynda ýly zattyń bolýy múmkin ekenin kórsetken.
Qazirgi ýaqytta quzyrly organdar ónimniń naqty quramyn anyqtaý jáne onyń naryqqa qalaı túskenin tekserý jumystaryn júrgizip jatyr.