Eýropa chempıonatynyń D tobynda óner kórsetetin Ispanııa men Túrkııa quramalary Nıssa qalasynda kezdesti. Bul oıynda ıspandar qarsylastaryn 3:0 esebimen jeńdi.
Del Boske jattyqtyratyn Ispanııa quramasy bul oıynda qarsylastarynan aıtarlyqtaı basym boldy. «Qyzyl fýrııa» oıynshylary júıeli oıyn kórsetip, golmen aıaqtap jatsa, túrikter ıspandardyń qorǵanysynan óte almady.
Alǵashqy taımda esep basyn birinshi bolyp Alvaro Morato ashty. Matchtyń 34-mınýtynda basymen baǵyttaǵan doby qaqpanyń torynan tabyldy. Al araǵa úsh mınýt salyp, shabýyl shebinde óner kórsetetin Nolıto qarsylastarynyń qateligin tıimdi paıdalanyp, esepti eseleı tústi. Ispanııa quramasy munymen de toqtamady, 48-mınýtta Jordı Albanyń pasynan keıin bos qaqpaǵa soqqy jasaǵan Alvaro Morato úshinshi dopty soqty. Bul kezdesýde óziniń erekshe oıynymen kózge túsken «Barselona» komandasynyń jartylaı qorǵaýshysy Andres Inesta kezekti ret matchtyń úzdik oıynshysy atandy.
Ispanııa – Túrkııa 3:0
Stadıon: «Alıans-Rıvera»
Tóreshiler: Rıstıch Mılovan, Djýrdjevıch Dalıbor (bári –Serbııa), Kýlbakov Alekseı (Belarýs)
Ispanııa: Davıd De Hea, Jordı Alba (Sesar Aspılıkýeta 81), Jerar Pıke, Serhıo Ramos, Hýanfran, Serhıo Býskets, Fransesk Fabregas (Koke 71), Andres Inesta, Davıd Sılva (Brýno Sorıano), Alvaro Morato, Nolıto
Túrkııa: Volkan Babadjan, Gekhan Genıýl, Mehmet Topal, Hakan Balta, Erkın Djaner, Selchýk Inan (Iýnýs Mallı 70), Ogýzhan Ozıakýp (Oldjaı Shahan 62), Ozan Týfan, Arda Týran, Býrak Iylmaz, Hakan Chalhanoglý (Nýrı Shahın 46)
Eskertý alǵandar: Serhıo Ramos 1 – Býrak Iylmaz 9, Ozan Týfan 41
Aıan Ábdýálı
Foto, vıdeo: vk.com.