Ulybrıtanııa Eýroodaqta qala ma?
Erteń Ulybrıtanııada eldiń Eýropalyq odaqta qalatynyn, ne qalmaıtynyn aıqyndaıtyn búkilhalyqtyq referendým ótkizilýi tıis. Alǵashynda qurylymnan ketkisi keletin halyq sany kóp sekildi kóringenimen, keıingi kezderi bul úderis keri sıpat ala bastaǵandaı.
Sońǵy saýaldama ulybrıtanııalyqtardyń 53 paıyzy eldiń Eýropalyq odaqta qalǵanyn qalaıtynyn kórsetip bergen. Qarsylar, sáıkesinshe, 46 paıyz. Osy oń úderis Londonnyń qarjy bırjasynda fýnt sterlıngtiń baǵamyn dollarǵa qaraǵanda 2 paıyzǵa kúsheıtken. Osyǵan sáıkes, eýronyń quny da 2 pýnktke kóterilgen. Sonymen, ulybrıtanııalyqtardy tarıhı tańdaý kútip tur. Qysqasy, Eýropadaǵy úlken eldegi ahýal kópshiliktiń qalaýyna baılanysty qazirgi kúıinde qalady nemese kúrt ózgeriske ushyraýy yqtımal.
Ballıstıkalyq zymyran ushyrmaqshy
Soltústik Koreıa eldiń shyǵys jaǵalaýlarynan «Mýsýdan» dep atalatyn orta qashyqtyqtaǵy ballıstıkalyq zymyran ushyrýǵa daıyndalyp jatyr. Bul týraly keshe Ońtústik Koreıa úkimetindegi derek kózine silteme jasaı otyryp, «Ionhap» aqparat agenttigi habarlady.
«Daıyndyq júrgizilip jatqany anyqtalǵannan keıin biz jaǵdaıdy muqııat baqylaýǵa alatyn bolamyz. Ushyrylymǵa «Mýsýdan» úlgisindegi zymyran daıyndalyp jatyr dep sanaımyz», deıdi agenttikke kim ekenin aıtýdan bas tartqan derek kózi. Ushyrylymǵa daıyndyq júrgizilip jatqany týraly aqparatty japonııalyq derek kózderi de qýattaǵan. Olardyń málimetterine qaraǵanda, ushyrylym aldaǵy senbi, 25 maýsymda júzege asyrylýy múmkin. О́ıtkeni, Koreı túbegindegi 1950-1953 jyldar aralyǵyndaǵy soǵys sol kúni bastalǵan bolatyn.
Reseıge qarsy sanksııa uzartylady
Eýroodaq tarapynan Reseıge qarsy sanksııalardy uzartý máselesi sheshilip qoıǵan, biraq jarty jyl bederinde sanksııalyq rejim bosańsytylýy yqtımal. Bul týraly «Euronews»-ge suhbatynda Eýrokomıssııanyń basshysy Jan-Klod Iýnker málimdegen.
Iýnker myrza Sankt-Peterbýrgte ótken bıznes-forýmda Eýroodaqtyń Reseıge qarsy sanksııalardy birte-birte jeńildetýine múmkindigi bar ekenin kóldeneń tartqan edi. Búginde basqasha pikir bildirip otyr. Al rejimniń bosańsytylýy Mınsk ýaǵdalastyqtarynyń oryndalýyndaǵy progreske tikeleı baılanysty bolmaq eken. «Dál qazir bizdiń sanksııalardy uzartatynymyz aıdaı anyq. Alaıda, kelesi 6 aı ishinde monıtorıng jalǵastyrylady. Ári qaraıǵy sheshim de soǵan baılanysty bolady», deıdi Eýrokomıssııa tóraǵasy.
Qysqa qaıyrǵanda:
Reseıdiń áýe jáne zymyran shabýyldarynan qorǵanys áskerleri jaqyn qashyqtyqtaǵy zymyranǵa qarsy qorǵanys júıesin synaqtan ótkizdi. Bul týraly keshe Reseı qorǵanys mınıstrliginiń baspasóz qyzmetine silteme jasaı otyryp, «Novostı» aqparat agenttigi habarlady.
Ekseter ýnıversıteti astrofızıkteriniń halyqaralyq toby belgili ekzoplanetalardyń ishindegi eń jasy dep sanalatyn, K2-33b dep aıdar taǵylǵan planetany baıqap qalǵan. Ol Jerden 500 jaryq jylyna teń qashyqtyqta oryn tepken kórinedi. Bul jańalyq «Nature» jýrnalynda jarııalanypty.
Reseı Lıberal-demokratııalyq partııasynyń serkesi Vladımır Jırınovskıı eger reseılik jeńil atletter Rıo-de-Janeıroda ótetin Olımpııa oıyndaryna barý quqynan aıyrylsa, onda Eýropada óńirlik Olımpııa oıyndaryn uıymdastyrýdy usyndy. Bul týraly keshe TASS habarlady.
Amerıkalyq 6 jasar qyz eskek esý slalomynan Olımpıada chempıony Djo Iаkobıdiń altyn medalin taýyp alǵan. Medaldy Atlantada sportshynyń avtokóliginen belgisiz bireýler urlap ketken kórinedi. Al marapatty qyz bala otbasymen ormanda serýende júrgen kezinde taýyp alsa kerek. Sóıtip, ol trofeıdi ıesine ınternet arqyly qaıtaryp beripti.
Yqtımal lańkes-jankeshti ustaldy
Belgııanyń astanasy Brıýssel qalasynda terakt daıyndaýmen aınalysty degen kúdikpen bir adam tutqyndalǵan. Sóıtip, qala ortalyǵynda jarylys bolýy múmkin degen qaýippen dabyl qaǵyldy. Bul týraly keshe DH.be habarlady.
Polısııa Belgııa astanasynyń ortalyǵyndaǵy iri saýda keshenderiniń birin qorshap tastady. Al kúdiktiden jankeshtiniń belbeýi tabylǵan. Biraq belbeýdiń ishinde jarylǵysh zattyń bolǵany nemese bolmaǵany ázirshe belgisiz. Oqıǵaǵa oraı Ulttyq qaýipsizdik keńesi jedel májilis ótkizgen. Ústimizdegi jylǵy naýryz aıynyń sońynda Brıýsselde jasalǵan lańkestikten keıin Belgııada turaqty negizde kontrterrorıstik operasııalar ótkizilip turady. Sol kezden beri 12 kúdikti qamaýǵa alynypty.
Alty jyldan soń taǵylǵan aıyp
Varshavanyń okrýgtik soty general Pavel Belavnyıdy 2010 jyly prezıdent Leh Kachınskıdiń Smolenskige saparyn durys uıymdastyrmaǵany úshin 1,5 jylǵa shartty túrde bas bostandyǵynan aıyrdy. Bul aqparatty da «Novostı» agenttigi taratty.
Sol kezde Belavnyı Polsha úkimeti kúzet bıýrosy bastyǵynyń orynbasary eken. Oǵan joǵary laýazymdy tulǵalardyń Reseıge saparyn uıymdastyrýda óz mindetin tıisti deńgeıde oryndamady degen aıyp taǵylypty. General óziniń kinásin moıyndamasa kerek. Bortynda prezıdentten basqa kóptegen joǵary laýazymdy adamdar bolǵan Tý-154M ushaǵy 2010 jyldyń 10 sáýirinde Smolensk túbinde apatqa ushyraǵany belgili. Apat saldarynan ushaqtaǵy jolaýshylardy qosa eseptegende 88 adam qaza tapqan bolatyn.
Internet materıaldary negizinde ázirlendi