QR Syrtqy ister mınıstrligi men Tótenshe jaǵdaılar jónindegi mınıstrliktiń birikken is-sharalarynyń arqasynda 1-2 aqpanda Egıpettegi qazaqstandyqtardyń basym bóligi otandaryna oraldy. Kaır – Almaty baǵyty boıynsha arnaıy eki reıspen 206 adam shyǵaryldy. Olardyń ishinde Tájikstannyń úsh azamaty bar.
QR Egıpettegi elshiliginiń qyzmetkerleri otandastarmen baılanys ornatý, elden ketýshilerdiń tizimin jasaý, arnaıy reısterdiń ketýi men kelýin úılestirý, pasporttyq tekserýden ótkizý men ushaqqa otyrǵyzý sekildi mańyzdy jumystardy atqarýda.
Elshiliktiń barlyq dıplomatııalyq quramy men birqatar tehnıkalyq qyzmetkerleri (barlyǵy 12 adam) Egıpette belgili bir sebeptermen qalǵan azamattarymyzdy elge qaıtarý jumystarymen aınalysyp, qyzmettik boryshtaryn óteýde. Qajettilik týǵan jaǵdaıda, Qazaqstan jaǵy tıisti kómek kórsetý jóninde dostas memlekettermen baılanysta bolady.
Egıpette qalyptasqan ahýaldy eskere otyryp elimizdiń SIM-i qazaqstandyqtarǵa jaǵdaı rettelgenge deıin bul elge barýdan bas tarta turý jónindegi usynysyn 14 aqpanǵa deıin uzartady, dep habarlady QR SIM-iniń baspasóz qyzmeti.