Qaraǵandyda mas jasóspirimder Qasym Amanjolovtyń eskertkishin búldirip ketti
Tártip saqshylarynyń nazaryna kóshedegi baqylaý kameralary arqyly eki jas jigittiń oǵash qylyqtary túsip qalǵan. Anyqtap qaraǵanda, qazaq ádebıetiniń kórnekti ókili Qasym Amanjolovqa arnap turǵyzylǵan eskertkishke shyǵyp alypty.
Buzaqylardy birge júrgen qurbylary fotoǵa túsirip turǵan. Kamera aldynda túrli qylyqtar jasap turǵan olar tártip saqshylaryn kóre sala aldy-artyna qaramaı qasha jóneldi. Alaıda, adymyn attatpaǵan polıseıler sol mezette-aq olardy qolǵa túsirdi.
– Nazarǵa ilikken eki adam polısııa bólimine jetkizildi. Olardyń ishimdik iship alǵandary anyqtaldy. Qoǵamdyq oryndarda mas kúıinde júrgenderi úshin, buzaqylyq áreketteri úshin, sonymen qatar, birneshe bap boıynsha ákimshilik hattama toltyryldy, – dedi ishki ister departamentiniń baspasóz qyzmeti.
Aıan ÁBDÝÁLI,
«Egemen Qazaqstan»