Ǵylym máseleleri boıynsha zańnamalyq túzetýler eldiń ǵylymı-tehnologııalyq jáne ınnovasııalyq áleýetin nyǵaıtýǵa baǵyttalǵan. Osy maqsatta búgin Májilistiń jalpy otyrysynda ǵylymı jáne tehnologııalyq resýrstardy tıimdi shoǵyrlandyrý, joǵary tehnologııalyq óndiristerdi damytý jáne ǵylymnyń ınvestısııalyq tartymdylyǵyn arttyrý tetikteri usynylady, dep jazady Egemen.kz.
Atap aıtqanda, ǵylymmen shuǵyldanatyn aýmaqtardy damytýǵa quqyqtyq negiz qalyptastyrylady. Olar ǵylym qalashyqtary jáne ǵylymı-tehnologııalyq parkter formatynda damıdy. Ǵylym qalashyqtary – ǵylymdy negizge alatyn tehnologııalar men ınnovasııalardy damytýǵa jaǵdaı jasalatyn eldimekender bolsa, ǵylymı-tehnologııalyq parkter – joǵary oqý oryndary, ǵylymı ınstıtýttar men óndiriste ǵylymı ázirlemelerdi engizgen kásiporyndar bazasynda qurylady.
Ǵylymǵa serpin: EUÝ Japonııamen baılanysyn nyǵaıtty
Olardyń negizgi maqsaty men mindeti, basqarý jáne qarjylandyrý tetikteri, sondaı-aq qyzmetin baqylaý jáne monıtorıng júrgizý tártibi aıqyndalady. Budan bólek, atalǵan aýmaqtardy damytýǵa yntalandyrý sharalary jáne ǵylym qalashyqtaryna qatysýshy ǵylymı qyzmetkerlerdi áleýmettik qoldaý tetikteri bekitiledi.
2025 jylǵy Qazaqstannyń basty ǵylymı jetistigi ataldy