Jeńis kúni qarsańynda Qaraǵandy oblysynda Uly Otan soǵysynyń ardagerlerine 5 mıllıon teńgeden birjolǵy tólem berildi, dep jazady Egemen.kz.
Búginde atalǵan óńirde alty soǵys ardageri bar. Olardyń beseýi – Qaraǵandy qalasynda, bireýi – Osakarov aýdanynda turady.
Oblys ákimdiginiń málimetinshe, jalpy áleýmettik qoldaý sharalarymen óńirdiń 2,1 myńnan astam turǵyny qamtylǵan.
Qazaqstanda qansha soǵys ardageri qaldy?
Kómek alýshylardyń basym bóligin tyl eńbekkerleri quraǵan. Oblysta osy sanattaǵy 2029 adamǵa 100 myń teńgeden birjolǵy tólem jasalǵan.
Sondaı-aq konslagerdiń burynǵy tutqyndary men qorshaýdaǵy Lenıngrad turǵyndaryna – 200 myń teńgeden (33 adam), qaza tapqan jaýyngerlerdiń jubaılary men jesirlerine – 50 myń teńgeden (89 adam) úlestirilgen.
Qostanaıda soǵys ardagerlerine 5 mıllıon teńgeden aýdaryldy
Budan bólek, ardagerler úshin shıpajaı-kýrorttyq em alý múmkindigi qarastyrylǵan. Bul shyǵyndar jergilikti bıýdjet esebinen qarjylandyrylady.