Aýyl sharýashylyǵy mınıstrligine qarasty Jer resýrstaryn basqarý komıtetiniń tóraǵasy, jerdi paıdalaný men qorǵaý jónindegi bas memlekettik ınspektor, «Jer amanaty» partııalyq komıssııasy tóraǵasynyń birinshi orynbasary Murat Temirjanov sońǵy 4 jylda 14,8 mln gektar jer memleketke qaıtarylǵanyn málim qyldy, dep habarlaıdy Egemen.kz.
Jerdi qaıtarý jumystary Memleket basshysynyń tapsyrmasyna sáıkes júzege asyrylyp jatyr. Bul baǵyttaǵy sharalar Komıtet pen aýmaqtyq bólimshelerdiń, quqyq qorǵaý organdarynyń jáne «AMANAT» partııasynyń «Jer amanaty» jobasy komıssııasynyń qatysýymen keshendi túrde atqarylyp keledi.
Ile Alataýynyń taý bókterindegi jer telimi memleketke qaıtaryldy
Murat Temirjanovtyń aıtýynsha, memleketke qaıtarylǵan 14,8 mln gektar jerdiń 10,8 mln gektary qaıta bólingen. Onyń ishinde:
– 6,7 mln gektar jer konkýrs arqyly berilgen; – 4,1 mln gektar jer ortaq paıdalanýǵa bekitilgen.
Sonymen qatar buryn ıgerilmeı kelgen 5,2 mln gektar jer tıisti sharalardan keıin qaıtadan sharýashylyq aınalymǵa engizilgen.
82 mln teńge: Aqmolada jer telimi memleketke qaıtaryldy
Jer resýrstaryn tıimdi paıdalaný maqsatynda jalpy kólemdi baqylaý aıasynda 7 100-den astam tekserý júrgizilgen. Nátıjesinde 5 300-den astam buzýshylyqty joıý týraly nusqama berilgen.
Vedomstvo málimetinshe, atqarylyp jatqan jumystardyń negizgi maqsaty – jer resýrstaryn tıimdi paıdalaný, bólýdiń ashyqtyǵyn qamtamasyz etý jáne jerdi ekonomıkalyq aınalymǵa tartý.
Atyraý oblysynda jer ýchaskeleri memleketke qaıtaryldy