Qasym-Jomart Toqaev buǵan deıin Prezıdent Ákimshiliginiń basshysy qyzmetin atqaryp kelgen Aıbek Dádebaıdyń jumysyna joǵary baǵa berip, zor rızashylyǵyn bildirdi. Bul týraly Prezıdenttiń keńesshisi – Baspasóz hatshysy Aıbek Smadııar telegram aranasynda jazdy, dep habarlaıdy Egemen.kz.
«Taıaý ýaqytta elimizde aýqymdy saıası naýqan ótetini belgili. Osyndaı syndarly sátte Aıbek Arqabaıuly Memleket basshysynyń arnaıy tapsyrmasy boıynsha qoǵamdyq-saıası jumyspen aınalysady», delingen jazbada.
Aıta keteıik, búgin Prezıdent jarlyǵymen Aıbek Arqabaıuly Dádebaı basqa jumysqa aýysýyna baılanysty Qazaqstan Respýblıkasy Prezıdenti Ákimshiliginiń Basshysy laýazymynan bosatyldy. Onyń ornyna Memleket basshysynyń Jarlyǵymen Roman Vasılevıch Sklıar Qazaqstan Respýblıkasy Prezıdenti Ákimshiliginiń Basshysy bolyp taǵaıyndaldy, ol burynǵy atqarǵan laýazymynan bosatyldy.