«AMANAT» fraksııasynyń múshesi Nartaı Sársenǵalıev Premer-mınıstr Oljas Bektenovtiń atyna depýtattyq saýal joldap, ózin «bıler keńesi» nemese «bı» dep ataıtyn qoǵamdyq uıymdardyń qyzmetine qatysty másele kóterdi, dep habarlaıdy Egemen.kz.
Depýtattyń aıtýynsha, tarıhı turǵyda bıler ınstıtýty ádildik pen danalyqtyń sımvoly bolǵanymen, qazirgi tańda bul ataýdy jamylǵan keıbir uıymdardyń áreketi qoǵamda alaýyzdyq týdyrýy múmkin. Ol mundaı qurylymdardyń keıde quqyqtyq máselelerge aralasyp, resmı memlekettik organdardyń fýnksııalaryn qaıtalap jatqanyn atap ótti.
Saýalda naqty mysaldar keltirilgen. Atap aıtqanda, ózin «bıler alqasy» dep tanystyrǵan toptyń daýly áreketteri, sondaı-aq lısenzııasy joq adamnyń ózin zańger retinde tanystyryp, azamattardy adastyrý faktileri qoǵamda rezonans týdyrǵan.
Halyqtyń jartysy eskertý almaı qalýy múmkin: Depýtat Qazaqstanda selden qorǵaný júıesin kúsheıtýdi usyndy
Depýtattyń málimetinshe, elimizde ondaǵan «bıler» uıymy jumys isteıdi jáne olardyń músheleri myńdap sanalady. Alaıda olardyń qyzmetiniń quqyqtyq shekarasy naqty aıqyndalmaǵan.
Osyǵan baılanysty Nartaı Sársenǵalıev birqatar usynys berdi. Atap aıtqanda,
«bıler», «bıler keńesi», «bas bı» ataýyn qoldanatyn uıymdardyń zań talaptaryn saqtaýyn tekserý;
olardyń memlekettik jáne kvazımemlekettik qurylymdardyń fýnksııalaryn qaıtalamaýyn baqylaýdy;
quqyq qorǵaý organdarynyń quzyretine jatatyn máselelerge aralasýyna jol bermeýdi;
qoǵam birligine nuqsan keltiretin uıymdarǵa quqyqtyq baǵa berý.
Oljas Quspekov: Shlagbaýmdar men retsiz avtoturaq adam ólimine sebep bolyp jatyr
Depýtattyń pikirinshe, quqyqtyq memleket jaǵdaıynda daýlardy sheshý tek zań aıasynda júzege asýy tıis, al qoǵamdyq uıymdardyń tórelik aıtýy ekiudaı pikir qalyptastyrýy múmkin.