Májilistiń jalpy otyrysynda depýtat Oljas Quspekov depýtattyq saýal joldap, tótenshe qyzmetterdiń oqıǵa oryndaryna der kezinde jetýin qamtamasyz etýdegi júıeli olqylyqtar máselesin kóterdi, dep habarlaıdy Egemen.kz.
Qoǵam belsendisiniń sózinshe, tótenshe qyzmetterdiń qoljetimdiligin qamtamasyz etetin qazirgi baqylaý jáne uıymdastyrý tetikteri tıimsiz jumys isteıtindikten shuǵyl túrde qaıta qaraýdy qajet etedi.
«Búginde biz ár sekýnd sheshýshi ról atqaratyn jaǵdaıǵa tap bolyp otyrmyz. Alaıda sol qymbat ýaqyt jabyq aýlalar, kólikke toly turaqtar men qarapaıym tártiptiń joqtyǵy saldarynan joǵalyp jatyr. Bul endi jekelegen jaǵdaı emes – bul júıeli másele», dedi Oljas Quspekov.
Elimizde tirkelgen órt oqıǵalarynyń shamamen 62 paıyzy turǵyn úı sektoryna tıesili ekendigin atap ótken ol atalǵan másele adam kóp jınalatyn nysandarǵa da qatysty ekendigin jetkizdi.
Kólik kóp, oryn az: Avtoturaq máselesi qalaı retteledi?
«Másele tek turǵyn úı keshenderine ǵana emes, jeke sektorǵa, kommersııalyq nysandarǵa, áleýmettik mekemelerge jáne adamdar kóp jınalatyn basqa da oryndarǵa qatysty. Jabyq ótkelder, isten shyqqan gıdranttar, órtke qarsy jabdyqtardyń bolmaýy jáne basqarýshy uıymdardyń formaldy baqylaýy – munyń bári adam ómirine tikeleı qaýip tóndiredi», degen qoǵam belsendisi depýtattyq saýal aıasynda naqty usynystar joldady.
Astanadaǵy avtoturaqtar tolyǵymen qala menshigine ótti
Nurbolat AMANBEK