Taraz memlekettik pedagogıkalyq ınstıtýtynda «Myrzataı Joldasbekov oqýlary» ótti. El táýelsizdiginiń 25 jyldyǵyna oraı uıymdastyrylǵan is-sharaǵa oqý ornynyń professor-oqytýshylary men stýdentteri belsene qatysty.
Is-sharanyń maqsaty – ulttyń zııatkerlik jáne rýhanı áleýetin kóterýge jastardy tartý, stýdentterdiń kitap oqýyna jan-jaqty qoldaý kórsetý.
«Qazaq mádenıetiniń qara nary» taqyrybynda Myrzataı Joldasbekovtiń ómiri men shyǵarmashylyǵyna arnalǵan stýdentter arasyndaǵy esse baıqaýy ótip, onda TarMPI stýdenti Nurgúl Pýlatova úzdik dep tanyldy. Al Quralaı Ábdinazarova men Nazerke Ájetova ekinshi jáne úshinshi orynǵa ıe boldy.
Fılologııa fakýltetiniń uıymdastyrýymen ótken sharanyń ekinshi kúninde «Máńgilik El ıdeıasy: ult tulǵalary» taqyrybynda qazaq fılologııasy kafedrasynyń professorlary Tursynaı Ábdiqadyrova men Rústem Sadyqbekov stýdentterge dáris oqydy. Myrzataı Joldasbekov atyndaǵy halyqaralyq baılanystar jáne akademııalyq utqyrlyq ortalyǵynda ótken dáriste lektorlar professor jónindegi estelikterimen bólisip, onyń shyǵarmashylyǵynyń «Máńgilik El» ıdeıasymen astasyp jatatynyn tilge tıek etti.
Jandarbek ASAN,
TarMPI Aqparattyq-ımıdjdik bóliminiń jetekshisi