2015 jylǵy 28 shilde , Astana qalasy
Konsýltasııalyq-dıagnostıkalyq kómek kórsetý qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 46-babynyń 2-tarmaǵyna sáıkes buıyramyn:
1. Qosa berilip otyrǵan Konsýltasııalyq-dıagnostıkalyq kómek kórsetý qaǵıdalary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin merzimdik baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin.
4. Osy buıryq ony alǵashqy resmı jarııalaǵan kúninen keıin qoldanysqa engiziledi.
Qazaqstan Respýblıkasynyń Densaýlyq saqtaý jáne áleýmettik damý mınıstriniń
mindetin atqarýshy B. NURYMBETOV
Qazaqstan Respýblıkasy Densaýlyq saqtaý jáne áleýmettik damý mınıstriniń mindetin atqarýshynyń 2015 jylǵy 28 shildedegi №626 buıryǵymen bekitilgen
Konsýltasııalyq-dıagnostıkalyq kómek kórsetý qaǵıdalary
1. Jalpy erejeler
1. Osy Konsýltasııalyq-dıagnostıkalyq kómek kórsetý qaǵıdalary (budan ári – Qaǵıdalar) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń (budan ári – Kodeks) 46-babynyń 2-tarmaǵyna sáıkes ázirlengen jáne medısınalyq uıymdarda azamattarǵa konsýltasııalyq-dıagnostıkalyq kómek kórsetý tártibin anyqtaıdy.
2. Konsýltasııalyq-dıagnostıkalyq kómekti:
1) konsýltasııalyq-dıagnostıkalyq ortalyqtar;
2) konsýltasııalyq-dıagnostıkalyq emhanalar;
3) konsýltasııalyq-dıagnostıkalyq bólimsheler kórsetedi.
4) Osy Qaǵıdalarda mynadaı negizgi uǵymdar paıdalanylady:
1) beıindi maman – joǵary medısınalyq bilimi, belgili bir mamandyq boıynsha sertıfıkaty bar medısına qyzmetkeri;
2) joǵary mamandandyrylǵan medısınalyq kómek – dıagnostıkanyń, emdeý men medısınalyq ońaltýdyń eń jańa tehnologııalaryn paıdalanýdy talap etetin aýrýlar kezinde medısınalyq uıymdarda beıindi mamandar kórsetetin medısınalyq kómek;
3) konsýltasııalyq-dıagnostıkalyq kómek (budan ári – KDK) – táýlik boıy medısınalyq baqylaý jasalmaıtyn, mamandandyrylǵan nemese joǵary mamandandyrylǵan medısınalyq kómek;
4) mamandandyrylǵan medısınalyq kómek – dıagnostıkanyń, emdeýdiń jáne medısınalyq ońaltýdyń mamandandyrylǵan ádisterin aýrýlar kezinde beıindi mamandar kórsetetin, onyń ishinde telemedısına quralyn paıdalana otyryp kórsetetin medısınalyq kómek;
5) medısınalyq-sanıtarııalyq alǵashqy kómek dárigeri - táýlik boıy medısınalyq baqylaý jasamaıtyn, bilikti medısınalyq kómek kórsetetin jalpy praktıka dárigeri, ýchaskelik terapevt nemese pedıatr;
6) pasıent – medısınalyq qyzmetter kórsetýdiń tutynýshysy bolyp tabylatyn (bolyp tabylǵan) jeke tulǵa.
2. Konsýltasııalyq-dıagnostıkalyq kómek kórsetý tártibi
4. Pasıentterge KDK-ny medısınalyq uıymdar eńbekke ýaqytsha jaramsyzdyqqa saraptama júrgizýdi qamtıtyn medısınalyq qyzmetti júzege asyrýǵa lısenzııasy bolǵan jaǵdaıda profılaktıkalyq, dıagnostıkalyq jáne emdeý qyzmetterin usyný arqyly kórsetedi.
5. Beıindi mamannyń pasıentke KDK kórsetýi jedel jáne shuǵyl medısınalyq kómek kórsetý jaǵdaılaryn qospaǵanda, medısınalyq-sanıtarııalyq alǵashqy kómek (budan ári – MSAK) dárigeriniń nemese basqa beıindi mamannyń joldamasy boıynsha júzege asyrylady.
6. Barlyq deńgeıde KDK alý úshin pasıentti jiberý kezinde MSAK dárigeri nemese basqa beıindi maman «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń 2010 jylǵy 23 qarashadaǵy № 907 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen) (budan ári – Buıryq) № 001-4/e nysan boıynsha joldamany jáne № 027/e nysan boıynsha medısınalyq kartadan kóshirmeni toltyrady.
7. Respýblıkalyq deńgeıde KDK alý úshin pasıentterdi joldaý «Tegin medısınalyq kómektiń kepildik berilgen kóleminiń tizbesin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy № 2136 qaýlysymen bekitilgen konsýltasııalyq-dıagnostıkalyq qyzmet túrlerimen sáıkes tegin medısınalyq kómektiń kepildik berilgen kólemi (budan ári – TMKKK) sheńberinde júzege asyrylady.
8. Respýblıkalyq deńgeıde KDK alý úshin pasıentterdi joldaý menshik nysanyna qaramastan oblystardyń, Astana jáne Almaty qalalarynyń medısınalyq uıymdarynan, medısınalyq uıymdarda (budan ári – MU Komıssııasy) jáne oblystardyń, Astana jáne Almaty qalalarynyń densaýlyq saqtaý basqarmalarynda (budan ári – DSB Komıssııasy) qurylǵan Komıssııalar júzege asyrady.
MU Komıssııasynyń quramyna JPD nemese ýchaskelik dáriger, sondaı-aq beıindi maman (qajet bolǵan jaǵdaıda) mindetti túrde engiziledi.
9. MU Komıssııasy 2 jumys kúniniń ishinde respýblıkalyq deńgeıde KDK alýǵa pasıenttiń qujattaryn tekseredi jáne joldaý nemese bas tartý (kórsetilimder bolmaǵan jaǵdaıda) jóninde sheshim qabyldaıdy.
10. MU Komıssııasy respýblıkalyq deńgeıde KDK alýǵa pasıentti joldaýǵa oń sheshim qabyldaǵanda 2 jumys kúniniń ishinde pasıenttiń qujattaryn DSB Komıssııasyna joldaıdy.
11. Oblystardyń, Astana jáne Almaty qalalarynyń densaýlyq saqtaý basqarmalary pasıenttiń qujaty túsken sátten bastap 3 jumys kúniniń ishinde, DSB Komıssııasynyń sheshiminiń negizinde medısınalyq uıymǵa nemese pasıentke buıryqpen bekitilgen № 021/e nysany boıynsha joǵary mamandandyrylǵan konsýltasııalyq-dıagnostıkalyq kómek alýǵa joldama beredi.
Pasıentke respýblıkalyq deńgeıde KDK kórsetýden bas tartqan jaǵdaıda oblystardyń, Astana jáne Almaty qalalarynyń densaýlyq saqtaý basqarmalary 3 jumys kúniniń ishinde joldama bergen medısınalyq uıymǵa nemese pasıentke jazbasha dáleldengen bas tartýdy qosa bere otyryp, qujattardy qaıtarady.
12. TMKKK sheńberinde respýblıkalyq deńgeıdegi medısınalyq uıymǵa jiberý:
dıagnozdy rastaý úshin kúrdeli, anyq emes oqıǵalardy saralanǵan dıagnostıkalaý;
sırek kezdesetin, orfandyq aýrýlardy dıagnostıkalaý;
zerttep-qaraý, emdeý tásilin, sondaı-aq eńbekke jaramsyzdyqty saraptamalyq baǵalaý tásilin aıqyndaýda daýly jaǵdaılardy sheshý;
shetelde em alýǵa jiberý úshin kórsetilimderdiń bolýyn aıqyndaý;
halyqtyń áleýmettik osal toptarynan aýrýdyń aýyr aǵymymen pasıentterdi emdeý tásilin anyqtaý;
aýrýlardyń jıi resıdıvteri men dekompensasııasy jaǵdaılarynda pasıentterdi zerttep-qaraý jáne emdeý tásilin aıqyndaý;
MSAK deńgeıinde ótkizilgen emdeý is-sharalarynyń tıimsizdigi kezinde dıagnostıkalaý jáne emdeý qajet bolǵan jaǵdaılarda júzege asyrylady.
13. KDK kórsetken beıindi maman pasıentti konsýltasııaǵa jibergen MSAK dárigerine nemese basqa beıindi mamanǵa ótkizilgen tekserip-qaraý men emdeýdiń qorytyndylary kórsetilgen, sondaı-aq pasıentti budan ári emdeý boıynsha usynymdar kórsetilgen, buıryqpen bekitilgen № 071/e nysan boıynsha medısınalyq qorytyndyny (budan ári – konsýltasııalyq-dıagnostıkalyq qorytyndy) usynady.
14. MSAK dárigeri nemese basqa beıindi maman KDK kórsetken beıindi mamannyń usynymdaryna sáıkes konsýltasııalyq-dıagnostıkalyq qorytyndyny alǵannan keıin pasıentti odan ári baqylaýdy júzege asyrady.
15. Kórsetilimder bolǵan jaǵdaıda KDK kórsetýdi júzege asyrýshy medısınalyq uıymnyń beıindi mamany naýqasty Kodekstiń 47-babynyń 3-tarmaǵynyń negizinde stasıonarlyq em alýǵa jiberedi.
16. KDK kórsetken beıindi maman kórsetilimder bolǵan jaǵdaıda eńbekke ýaqytsha jaramsyzdyq paraǵyn jáne (nemese) anyqtamany beredi nemese uzartady, al eńbekke jaramdylyǵyn turaqty joǵaltqan jaǵdaıda medısınalyq-áleýmettik saraptamaǵa jiberý úshin qujattardy rásimdeýge usynymdar beredi.
17. KDK kórsetken beıindi maman joǵaryda kórsetilgen buıryqqa sáıkes bastapqy medısınalyq qujattama júrgizýdi, «Memlekettik statıstıka týraly» Qazaqstan Respýblıkasynyń 2010 jylǵy 15 naýryzdaǵy Zańymen jáne «Densaýlyq saqtaý sýbektileriniń ákimshilik derekterin jınaýǵa arnalǵan nysandaryn bekitý týraly» Qazaqstan Respýblıkasy Densaýlyq saqtaý mınıstriniń 2013 jylǵy 6 naýryzdaǵy №128 buıryǵymen (Normatıvtik quqyqtyq aktilerdi memlekettik tirkeý tiziliminde № 8421 bolyp tirkelgen) belgilengen nysandar, túrler boıynsha, kólemde, tártipte jáne merzimde esepterdi usynýdy qamtamasyz etedi.
18. Respýblıkalyq deńgeıdegi medısınalyq uıymdarda KDK kórsetýge oblystardyń, Astana jáne Almaty qalalarynyń densaýlyq saqtaý basqarmalary:
medısınalyq uıymdarǵa KDK kórsetýge bólinetin kólemderdi bólýdi júrgizýi;
KDK kórsetýge kólemderdi ıgerý jónindegi jumystardy oryndaý monıtorıngin júrgizýi qajet.
Buıryq Qazaqstan Respýblıkasynyń Ádilet mınıstrliginde 2015 jylǵy 27 tamyzda Normatıvtik quqyqtyq kesimderdi memlekettik tirkeýdiń tizilimine №11958 bolyp engizildi.